Veelderhande schriftuerlijcke liedekens


181. Na die wijse. Aenhoort al mijn gheclach. O Christus Iesus soet O leuende fonteyne Ick bidt v door ootmoet Gheeft my der gracien vloet Neempt my in v behoet Want in mijnen teghenspoet Sijdij minen troost alleyne.
[Folio X7v]
O Iesus der Christene schat Ende cracht der Seraphinnen Leyt my den rechten pat Al in ws hemels stat Mijns leuens ben ick mat Doet op der liefden bat Besprayt mijn hert van binnen. O God der Enghelen vruecht Des sondaers hoep en trouwe Ick heb mijn ionghe iuecht Uersleten in groote onduecht Mijn hert nochtans verhuecht In v want ghy wel muecht Dats blusschen allen mijnen rouwe. O Coninck der Coninghen groot Die ick met herten minne Troost my al duer v doot In mijnder lester noot Opent my wuen schoot O warachtich hemels broot Sterckt my toch mijn vijf sinnen. O Prince goet eerbaer Ghy zijt vol duechden rijcke Tot v sucht ick seer swaer Aenhoort toch mijn misbaer Toont my v licht seer claer Brengt my met v eenpaer Hier bouen in tshemels wijcke. Mer die dit Liet eerst sanck Een weeuwe was hueren name Sy was oock dicwils cranck Al teghen hueren danck Uiel si in svlees bedwanck O Godt verlosse eer yet lanck Segt al met huer toch Amen.