Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij179. Na die wijse. Laet ons den Lantman louen.O Godt al inden troone
Sijn zij niet sot en dul
Den Bel beluyckende schoone
Den goeden vetten smul
Haer costelijcke tresooren
Al teghen Gods ghebodt
Hoe hooghe hoe edel gheboren
Bedrijuen sulcken spot
Want tzijn sotten meer dan sot.
Die meester maeckt een beelde
Naer swinckels maeten ees
Hy bringht hem tzijnder weelden
Ia tzijnder baten vlees
Boter keese en eyeren
Dat is des smaeckers Godt
Al zijnt ter weerelt vleyeren
Sy bedriuen sulcken spot
Want tzijn sotten meer dan sot.
Sy hebben
nuessen om riecken
Ga naar margenoot+
En voeten si en connen niet ghaen
Men versoeckse voor die siecken
Sy en hebben gheen baet ontfaen
Sy staen beghout bepeerelt
| |
[Folio X6r]
| |
Al zijn si vert en rodt
Sy zijn schoon al voor de weerelt
Maer valegelijc voor Godt//want tzijn
sotten etc.
Het zijn gherekent slichten
Die binnen der sonnen schijn
Gaen ontsteken lichten
Uoor die gheene die niet en sien
En spijse draghen om teten
Die noyt en hadden beschot
Noch hebben si haer vermeten
Te houwen sulcken spot//want tzijn sotten etc.
Die haer te cruypen pooghen
En voeten hebben om gaen
Stuypen nighen en booghen
Uoor blocken die daer stom staenGa naar margenoot+
Hout steenen si becleyden
Sy ontrecken den armen tlot
Die weerelt si verleyden
Met haren valschen spot
Want tzijn sotten meer dan sot.
Als si in quellagien leuen
En haecken na den tijt
Al tot beuaerden si sneuen
Al om te worden quijt
Al tot die stomme afgoden
Int babelonissche cot
Tis teghen Gods gheboden
Schout ghy alsulcken spot
Want tzijn sotten meer dan sot.
Den Psalm hondert vijftien
Diemen ten propoeste leest
Ghy wijse van ongiene
U siel heer by gheneest
Leest Baruch in zijn leste
Daer vindy tbeste tslot
En Daniel in zijn seste
Schout ghy alsulcken spot
| |
[Folio X6v]
| |
Want tzijn sotten meer dan sot.
|
|