Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij173. Een ander.O Uleesch quaet van manieren
Ghy valt my altijts rebel
Qualijck can ick bestieren
U torment en v ghequel
Waer ick gae ghy met my gaet
Mijnen wille weder staet
U boos begheeren en valschen raet.
Soudick altijts ghedooghen
Dat ghy my voor ooghen lecht
Ghy sout my doen verdrooghen
Dynct v dat wesen recht
Mijn ghenouchte ghy benijt
Mijn steruen is v iolijt
Ghy bekijft mij als ick ben verblyt.
Ghy en cont niet ghevroeden
Dat des weerelts lust verdwijnet
En dat al huer goeden
| |
[Folio U8v]
| |
Niet en zijn dat wesen schijnt
Want wat eest dan ooghen moet
Lust der ooghen die verdoet
Die smake van dat eewighe ghoet.
Sy en zijn niet verloren
Al die rijck hebben gheweest
Abraham eerst al voren
Was rijcke alsoomen leest
Isaac en Iacob me
Dauid hadde rust en vre
Wie triumpheert soo Salomon de.
Dat waren al figueren
Uan dat toecomende was
Die nv niet en wilt trueren
In dees weerelt broosch als glas
Met Christum lyden verdriet
Die en sullen singhen niet
Dat eewich ghenoechghelijck liet
Machmen niet blyde wesen
En Godt behaghende zijn
Moeten si zijn verknesen
Druck lijden swaer ghepijn
Die Gods rijck sullen ontfaen
Dat en can ick niet verstaen
Hoe sout met de weerelt dan gaen.
O vleesch met uwen ooghen
Gods werck ghy niet mercken en cont
Ghy moet v anders pooghen
Dat sinen gheest in v woont
Daer met v naect swaren noot
Lyden en tormenten groot
Thelsche vier en die eewighe doot.
Ghy sout my wel doen rasen
Met uwen droeuighen sanck
Het schijnt het zijn al dwasen
Die tvleesch niet en maken cranck
Secht Paulus niet wilt verblien
| |
[Folio X1r]
| |
Met den blijden tallen tien
Waerom en mach dan gheen vruecht geschien.
Dat en moecht ghy niet trecken
Tot uwen voordeel voorwaer
Men mach met dwoort niet ghecken
Want tis louter ende claer
Blijde zijn is Gods consent
Maer niet met de weerelt blent
Want sulcke blyschap neempt quaden ent.
Ick en can niet begrijpen
Al tghene dat ghy my preeckt
Als mijn ooghen zijpen
Hopen dencken my ontbreect
Maer als mijn herteken verhuecht
Al mijn leden zijn veriuecht
Ick dancke Godt dan wel van zijn duecht.
Ghy en cont Godt meer dancken
Alst naar uwen wille compt
Ten si dat ghy die rancken
Afsnijt daer ghy v af compt
En dat uwen lust versterft
U natuere en sin verderft
Gods rijck ghy nemmermeer en verwerft.
Wilt ghy my nv doen steruen
Als mijn tleuen my wel lust
De doot sal wel duerkeruen
Mijn herte dus weest gherust
Als die compt ick moeter an
Steruen sal ick ymmers dan
Daer en ontgaet wijf kint noch man.
Steruen dat moet ghy leeren
Eer de doot v ouerualt
Want tis tghebot des Heeren
Wee hem die daer teghen halt
Swijcht snoy vleesch stinckende mes
Christus die dat leuen es
Sterft selue om onsen wille expres.
| |
[Folio X1v]
| |
Mach mijn claghen niet baten
Soo willick rusten mijn hooft
Ende mijn beroemen laten
Want mijn macht vindick beroeft
Tgaet met my
anders dant plach
Ga naar margenoot+
Dat ick wille, ick niet en mach
Dus kiese ick voor best een goet verdrach
|
|