Veelderhande schriftuerlijcke liedekens

166. Na die wijse. Vanden Vader onse.

O Godt vader inden Hemelrijck ⁺
Godt soen, godt heylige gheest ghelijc ⁺
Ghy heylighe driuuldicheyt ⁺
Een eenich Godt in eewicheyt ⁺
Op v toesegghinghe soo bidde ick ⁺
Wilt ons verhooren ghenadelijck. ⁺

Och lieue Heer Godt spaert ons schoon
Wilt ons na onse verdienst niet loonen ⁺
Ontfermt v ons duer v ghenade ⁺
Lijf eer en goet behouwet van schade
Weest ons ghenadich en helpt ons Heer ⁺
En verlaet ons nv noch nemmermeer.

+ Matt.vi.

+ Eph.i.

+ Io.xiiij.

+ Gene.i.

+ Ioan.xiiij.

+ Ephe.ij.

+ Psal.li.

+ Lu.xviij.

+ Mat.v.

[fol. U1v]

 

Bewaert ons van des duyuels list ⁺

 

Uan zijn bedroch en van allen twist

 

Keert van ons zijn vierich huysghesin ⁺

 

Helpt dat hy ons niet en verwin

 

Och lief Heer Godt en verlaet ons niet ⁺

 

Als ons die boose gheest aensiet.

 

 

 

Behuet ons Godt tot allen stonden ⁺

 

Uan dwalende seckten schande en sonden ⁺

 

Uan crijch, vyantschap, haet en nijt

 

Uan water vier en van dieren tijt

 

Uan die Pestelency ende crancheyt groot

 

Uan onweer, ende van den eewyghen doot.

 

 

 

Behoet ons Heer tot alder tijt ⁺

 

Maeckt ons al onse sonden quijt

 

Och lieue Heer en verlaet ons niet

 

Als wy comen voort tleste ghericht

 

En van dees eewyghen doots veruaert

 

Och help Heer Godt ons dan bewaert. ⁺

 

 

 

Wy arme sondaers bidden meer

 

Helpt ons Ihesus Christus lieue Heer

 

Helpt ons duer v heylighe ghebot ⁺

 

Duer v verrijsenisse en hemeluaert ⁺

 

Duer uwen strijt en dierbaer bloet ⁺

 

U heylich cruys en v bitter doot.

 

 

 

U heylighe cristelijcke kercke o Heer ⁺

 

Bewaert die in v woort met oprechte leer ⁺

 

En in een heylich leuen die dienaers dijn ⁺

 

En die Christum soecken en belijden reijn

 

Duer twoort en gheest gheeft ons die cracht ⁺

 

Want het staet al in uwer macht. ⁺

 

 

 

In v lant seynt doch ghetrouwe arbeyders seere ⁺

 

Die alle valsche seckten en ketterijen af keeren ⁺

 

Ende allen ergernissen verweeren ⁺

 

Alle die noch dwalen Heer brenckt te recht ⁺

 

Ende leydtse duer v woort inder waerheyt wech ⁺

 

Op dat si kennen dwoort als een getrouwe knecht

 

 

+ Matth.iiij.vi.

+ Rom.i.

+ Ioan.iij.

+ Iohan.x.

+ Gala.v.

+ Mat.vi.

+ Matth.xxv

+ Mat.i.

+ i.Cor.xv.

+ Mat.x.xxviij.

+ Rom.i.

+ Iohan.i.v

+ Io.xiiij.xv.

+ Io.iiij.vi

+ Ro.viij.

+ Rom.x.

+ Psal.xij.

+ Psal.xi.

+ Mat.vij.

+ Io.xiiij.

[fol. U2r]

 

Keert o Heer duer v machtighe handt

 

Al die v woort noch doen wederstant

 

Uan des grouwelijcke Turers ende wolfs geslacht ⁺

 

Och Christus v vrome christenen wacht ⁺

 

Alle valsche leeraers keert en worpt in deeuwich vuer ⁺

 

Maer zijt ons een sterck Casteel en muer. ⁺

 

 

 

Beschermpt o Heer ons lijf en goet ⁺

 

Uerlost ons van oploop crijch en bloet

 

Den Keyser ende die Cueninghen die Uorsten ende Heeren ⁺

 

Gheeft huer v ghenade dat si huer volc te recht regeren

 

Gheeft Heer dat si mueghen houden vrede altijt

 

En bewaertse van tweedracht en strijt

 

 

 

Gheeft Heer ons Keyser een goet gheluck

 

Helpt dat hy v woort niet en verdruck ⁺

 

Beschermt Heer alle ons Lantsheeren ⁺

 

Met uwen heylighen geest so wiltse doch leeren ⁺

 

Onser stadt raet en gantsche ghemeynt

 

Die laet v o Heere beuolen zijn. ⁺

 

 

 

Allen v Christen helpt wt allen varen ⁺

 

Wilt die met uwen gheest bewaren ⁺

 

Sterckt en behout die herten daer ⁺

 

Die noch zijn in ancxsten swaer ⁺

 

Die naesten neempt in uwer handt ⁺

 

Die weeuwen troost in huer ellendt. ⁺

 

 

 

De bevruchte vrouwe ende suyghende al

 

Bewaert doch die kinderkens van ongheual

 

Helpt oock alle die daer zijn cranck

 

Dat huer ghelooft aen v niet en zij wanck

 

Ende maecktse aen huer siel ghesont

 

Ende troostse al inder lester stont.

 

 

 

Och lieue Heer gheeft oock ghedult ⁺

 

Alle die noch lijden sonder schult ⁺

 

En verlostse wt der vyanden handt

 

Huer ellende ende gheuanckenis went

 

Troost die oock inder lester noot

+ ij.Tess.ij.

+ Ioan.xi.

+ Ps.v.ix.

+ Mat.xxv.

+ Ps.xlvi.

+ i.Tim.ij.

+ ij.Tess.ij.

+ Mat.vi.

+ Ro.viij.

+ Col.iij.

+ Ro.xiij.

+ Eph.i.ij.

+ Eph.v.

+ Ro.viij.

+ Iacob.i.

+ i.Tim.v.

+ Psal.iij.

+ Ro.viij.

[fol. U2v]

 

Die daer moeten lijden de doot.

 

 

 

Oock alle die ons vyandt zijn ⁺

 

Uergheeft haer huer misdaet ende sonden

 

Gheeft dat wy huer oock gheerne vergheuen

 

Met alle menschen in vrede leuen

 

Helpt dat alle sondaers huer bekeeren

 

Wt herten gront v ghenade begheeren. ⁺

 

 

 

O Heere die vruchten op dat lant ⁺

 

Die wilt ons gheuen dijn milde handt ⁺

 

En wiltse bewaren van haghel en schade ⁺

 

Dat wijse te recht gebruycken gheeft die genade

 

Dat si ons lichaem niet en beswaren

 

Noch ons herte van v en keeren.

 

 

 

O Iesus Cristus warachtich Godts soen ⁺

 

O Iesus Christis der ghenaden troon ⁺

 

O Iesus Christus ghy Godts Lam ⁺

 

Dat der weerelt sonden droech en wech nam ⁺

 

O ghy ghebenedide saet ⁺

 

Uerlost ons doch van alle quaet. ⁺

+ Matt.vi.

+ Iohan.i.

+ Ephe.ij.

+ Eph.iiij.

+ Collo.iij.

+ Rom.i.

+ Eph.i.

+ Iohan.i.

+ Esai.liij.

+ Gene.iij.

+ Matt.vi.