Veelderhande schriftuerlijcke liedekens

163. Een ander.

O God hoe ydel zijn alle menschen
Maer voor hem die den Heere betrout
Gheen meerder salicheyt en canmen wenschen
Dan dlicht zijns aenschijns dwelc niet en flout
Als ghy menschen misdaden aenschout
Met straffinghe wilt ghy hem castijen
Wel hem die inden Heer [can] verblijen.

Ghi hebt den sluetel des leuen en des doots⁺
Ghy muecht ons alleene maken salich

+ Apos.

[fol. T7v]

 

Ghy zijt ons sterckte inden tijt des noots

 

Die op v betrouwen en zijt ghy niet falich

 

Maer v goetheyt wilick zijn verhalich

 

U gramschap duert eenen cleynen tijt

 

U goetheyt is eewich sonder respijt.

 

 

 

Al doode my Godt seyt Iob al voren ⁺

 

Noch soo sal ick altijts hopen in hem

 

Hy proeft het ghelooue zijnder wtuercoren

 

Duer lijdtsaemheyt maect hy de sine tem

 

Salich zijnse die stantuastighe ick seker ben

 

Ende die stantuastich blyuen tot inder ent

 

Wiens betrouwen op God den Heere is gewent.

 

 

 

Ghy lijtsamighe weest sonder smerten

 

Betrout op God sonder afgaen

 

Want hy is byden bedructen van herten

 

Soo de Psalmiste doet vermaen ⁺

 

Al laet een moeder haer kint seer saen

 

Godt en sal v niet laten int ghepijn

 

Inden dach des drucx sult ghy gheholpen zijn.

 

 

 

Wat ghy begeert van Godt almachtich

 

Ghelooft ende het wordt v ghegheuen

 

Hy sal veranderen v tranen clachtich

 

In blijschap dus zijt vry van sneuen

 

Laet v herte tot God zijn verheuen

 

Looft ende danckt den Heere in uwen gheest

 

En voor de menschen v niet en vreest.

 

 

 

Princelijck Godt ick erm gheuanghen

 

Typer in banden hert ende stijf

 

Met Manasses roep ick boet mijn verclaghen ⁺

 

Uergeeft v Godt mijn sondich bedrijf

 

In sonden van moeder ontfinck ick dlijf

 

Ghenade roep ick metten Publicaen

 

Och Godt wilt my in staden staen.

+ Iob.

+ Psalm.

+ Regum.