Veelderhande schriftuerlijcke liedekens

158. Na die wijse. Den gast die sprack tot sinen weert.

OCh Heere almachtich Uader ghebenedijt
En siet ghy ons niet in deser tijt
Als v ooghen op den rechtueerdighen staen
Waerom verdrucken si door spijt
U wtuercoren hoort mijn vermaen.

Ghy grooten Godt staet ons nv by
Wilt ons nv leeren tghebot van dy

[fol. T3r]

 

Dat wijt houden volstantich tot inden ent ⁺

 

Ia vinden moghen in v woort vry ⁺

 

Door uwen gheest vast in gheprent.

 

 

 

Ghi cleyne schaer en weest nv niet beureest ⁺

 

Ghy wort vertroost al door Godts gheest ⁺

 

U droefheytsal in blijschap vergaen ⁺

 

Als uwen Coninck belouet meest

 

Die eewighe vruechden sullen v beuaen.

 

 

 

En vreest niet die tlichaem dooden op dit termijn ⁺

 

Want si en connen v maer een corte pijn

 

Ghedoen doer haren schalcken raet

 

Sy en moghen hier niet langhe zijn

 

In haren hooghen boosen staet.

 

 

 

O broeders en zijt niet flau in uwen moet

 

Die droefheyt groot dat helsche gloet

 

En moghen v nemmermeer beuaen

 

Als ghy v hout aen Gods woort soet

 

So en can den boosen duyuel niet bliuen staen.

 

 

 

O Ierusalem ghy schoone blinckende stat

 

Hoe wonderlijck leyt uwen padt ⁺

 

Uan doornen ende distelen quaet ⁺

 

Ghy zijt een schoon verborghen schadt

 

Uoor die ghene die den wech voorgaet. ⁺

 

 

 

Door menige aenuechtinge en valsche leer

 

Wort ghy bestreden O Syon teer

 

Maer ghy sult alleen voluoeren den strijt

 

Door Christum den almachtighen Heer

 

Daeromme verwacht op sinen tijt.

 

 

 

Och hoe wonderlijc is des Heeren raet

 

Die in zijn beloften ghetrouwelijck staet

 

Die en derf hem vreesen van gheenen noot

 

Al soeckt v de weerelt opstinaet

 

Godt can v bewaren van haer listicheyt groot.

 

 

 

O ghy wtuercoren beminde bruyt Syon

 

U rouwe cleederen die wilt wt doen

 

En salft v hooft met Balsame soet

 

Uerciert v met gherechticheyt coen

+ Matt.x.

+ Ioa.viij.

+ Luce.xij.

+ Io.xiiij.

+ Ioan.xvi.

+ Mat.x.

+ Apo.xxi.

+ Mat.vij.

+ iiij.Esdr.vij.

[fol. T3v]

 

Want v staet nakende die eewighe blyschap goet.

 

 

 

O Princelijcke Godt en Coninck groot

 

Leyt ons int leuen door den doot

 

En opent ons uwe glorie schoon

 

Want ons compt nv veel teghenstoot

 

Ontfangt ons in uwen eewighen troon.