Veelderhande schriftuerlijcke liedekens


152. Een ander. NU drijuen wy den Paus heraus Wt Cristus kerck en Godes huys Daer in hy moordelijc heeft geregeert En ontellijck veel sielen veruoert. Haest v hier wt ghy verdoemde zoon Ghy roode Bruyt van Babilon Ghy zijt den grouwel, en Antecrist Uol lueghenen moort, en erghelist. Dijnen aflaets brief bullen en decreet Leyt nv verseghelt int secreet Daer mede staelt ghy der weerelt haer goet En schendet daer duer oock Cristus bloet. Den Roomschen Godt is wt ghedaen Den rechten Paus wy nemen aen Dat is Gods schoon den steen en crist Op dien dat zijn kerck ghetimmert ist. Hy is den hoocksteenpriester saert Aenden cruyce dat hy gheoffert wart Sijn bloet voor onsen sonden vergoot Rechten aflaet wt sinen wonden vloot. Sijn kerck hy door zijn woort regiert Godt vader selfs ons instruweert Hy is dat hoot der Cristenheyt Hem si lof prijs inder eewicheyt. Ons compt eenen fraeyen somer toe
[Folio S8r]
Uerleen ons Christus vrede en verhou Uerleent ons Heere een salich iaer Uoor Paus en Torcken ons bewaer.