Veelderhande schriftuerlijcke liedekens

138. Een ander.

LAet ons al met God verblijden
Laet ons al om Gods woorden strijden
Binnen onsen tijden//wy lijden
Swaer verdriet
Ons vleesch is crancker dan een riet
Alsoomen siet.

[fol. R3r]

 

Christus gebiet//gheen spijse tonderscheyden

 

Wy en wistens niet

 

Sy ghinghen ons verleyden

 

Het sal ons qualijck ghereyden//vermeyden

 

Dit vuyle criot

 

Sy sleypent al in haren pot

 

Sy maken ons sot.

 

 

 

Haren spot//die ghinghen si met ons houwen

 

Eenen houten afgodt

 

Deden si ons betrouwen

 

Daer op soo ghinghen si houwen//en trouwen

 

Met haesten groot

 

Wy arme schaepkens worden verstoort

 

Al om Gods woort.

 

 

 

Nv hoort//wat Matheus heeft bescreuen

 

Eenen grooten moort

 

Die wort daer noch bedreuen

 

Den Uader sal ouer gheuen//beneuen

 

Sijn eyghen kint

 

Soo wie Gods woort niet en bemint

 

Die wort heel blint.

 

 

 

Uerslijnt, die leeringhen der Poeten

 

Wacht v als vrint

 

Uoor die valsche Propheten

 

Sy zijn seer hooghe gheseten//vermeten

 

Int sweerelts ghetal

 

Sy roepen si crijten, si crijghent al

 

Tsi by gheval.

 

 

 

Heel mal, soo ghinghen si ons vermuyten

 

Den aflaet bal

 

En wilde niet meer stuyten

 

Sy setten ons groote tuyten//ghelijck fluyten

 

Met schalcker list

 

Dan setten si ons een aflaet kist

 

Als elck wel wist.

 

 

 

Eenen grooten twist

 

Die sal daer noch ghebueren

[fol. R3v]

 

Ghelijck den mist

 

Soo sullen haer leeringhen schueren

 

Met haren valscher lueren//ter cueren

 

Sy sullen vergaen

 

Deen volck sal tegen dander opstaen//hoort mijn vermaen.

 

 

 

Princersselijck graen

 

Wilt ons toch wel bewaren

 

Uan sonden ontslaen

 

Ende in duechden sparen

 

Gods woort sullen wy verclaren//vermaren

 

Hier ontrent, het was een broeder int fondament

 

Diet heeft gheendt.