Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij121. Na die wijse. Rijck Godt wie sal ick claghen.ICk hoorde een maechdeken singhen
Met een soo soeten gheluyt
My docht aen haere dinghen
Dat het was der Cantiken bruyt
Ick stont een langhe poose
En hoorde na haren sanck
Met een soo lieffelijcken voyse
Sanck si haren bruydegom danck.
Lof hoocheyt prijs ende eere
Moet v van mijn gheschien
Mijn bruydegom mijn Godt mijn Heere
Dat ghy my quaemt besien
Met een ootmoedich lyden
Uerwont ghy Babilon
Willen wy met v verbliden
Wy moeten oock alsoo doen.
Die
verholentheyt is Babels name
Ga naar margenoot+
Die ooren heeft om te hooren die hoort
Sy is die weerelt wel bequame
En op ons soo seer verstoort
Mijn bruydegom sal noch comen
En werpense inden gront
Hy sal Babilon verdoemen
Metten sweerde van sinen mont.
| |
[Folio P2v]
| |
Sout ghy niet willen swijghen
Bruyt dochter van Syon
Ick sal v wel doen nijghen
Al waert ghy noch soo coen
Ick ben van Saturnus gheslachte
Den onnooselen doen ick ongherief
Ick verandere den dach in nachte
Met Antecrist mijn lief.
Ick ben verheuen totten hemel
Bouen alle Coninghen rijck
Ick sitte op
eenen kemel
Ga naar margenoot+
Die den draecke is ghelijck
Ghelijck eenen vorsch opt water
Soo is mijn beest ouer tvolck regent
Urou bruyt hout uwen snater
Oft ghy wort van Antecrist gheschent.
Ghy en derft v niet beroemen
Uan ws bruydegoms groote macht
Waer siet ghyse na hem droomen
Hy is seer cleyne gheacht
En ick hebse den wijn gheschoncken
Uan mijn
feninighe melck
Ga naar margenoot+
Sy hebben al ghedroncken
Met my wter sonden kelck.
Wy sullen v wel verdrijuen
Wilt ghy onsen wille niet doen
Ick sal v wel doen ontlijuen
Ghy dochter van Syon
Ick sal v wel doen schenden
Uan Antecrist v party
Die sal het volck verblenden
Met lueghenen en afgodery.
Wie soude my doen laten
Te singhen minen bruydegom prijs
Die bouen alle staten
Is rijck machtich ende wijs
Hy is die leuende Godt alleene
| |
[Folio P3r]
| |
Sijn beloften sullen wesen waer
Al ben ik nv in weene
Ick verwachte een soo blyden nieu maer.
Ontrent die middernachte
Hoorde ick soo soeten gheluyt
Staet op weest in de wachte
Ontfanct die bruydegom en de bruyt
Want Babel moet nv vallen
En Antecrist haren boel
En die valsche
Propheten alle
Ga naar margenoot+
In eenen vierighen poel.
|