Veelderhande schriftuerlijcke liedekens (ca. 1552-1554)

Veelderhande schriftuerlijcke liedekens

(ca. 1552-1554)–Anoniem Veelderhande schriftuerlijcke liedekens– rechtenstatus

Auteursrechtvrij

Vorige Volgende


112. Na die wijse. Vanden Mey. INden lustelijcken mey den soeten tijt Als elck int verblijden Sachmen Tantwerpen des seker zijt Twee Christenen waren in lijden Sy beleden haer salicheyt Die alleen aen Christum leyt Alsoo ghy noch sult hooren Om Gods woort hebben si haer lijf verloren. Den tweeden dach Smeys wilt verstaen Openbaer soo wert daer ghewesen Barrabas soude quyte gaen Soo wy van Christus lesen De Schaepkens werden verwesen ter doot Om Christus woort soo leden si noot Sy en costens niet ontganghen Om dwoort des Heeren waren si gheuanghen. Sy begheerden te weten huer misdaet Waer af si vonnisse hadden ontfaen De Merckgraeff sprack om gheen quaet Dan dat ghi teghen Skeysers mandaet hebt gedaen Dies nemen wy ghetuygen ouer de schepen seluen Die vonnis ouer ons hebben ghegheuen Dat wy om gheen quaet en steruen Als wi Gods oordeel sullen verweruen. Tsanderdaechs tusschen vieren en vijuen Werden si beyde van den steen gheleyt
[Folio N8r]
Al naer Tstadthuys om daer tontlijuen Bernaert heeft totten volcke gheseyt O Broeders en verwondert v niet Al en heb ick gheen cruyce alsoo ghy aensiet Ick draech een cruys al in mijn herte Om Christus wille lijdick geerne smerte. Menich goet exempel hebben si geseyt Doen si onder weghen waren De scriftuere seer claerlijck wtgheleyt Dwelck te lanck waer om verclaren Dus zijn si na de merckt ghebracht Uan de Merckgraue en zijnder macht Daer vonden si de stellagie staen Bernaert is ghewillich voor op ghegaen. O Broeders en segt doch niet van my Dat ick v van Godt hebbe ghekeert Oft vercondicht eenighe kettery Oft valsche leeringhe hebbe gheleert Ick hebbe v vermaent des Heeren woort Ghelijck een oprecht Christen toebehoort Daer om soo moet ick steruen Gods rijcke hoep ick duer Christum te eruen. Heer Mercgraue heb ick v yet misdaen Om Christo willet my vergheuen Ick vergheef v die doot die ghy mi doet aen Ghewillich laet ick hier mijn leuen De Merckgraue sprack ick en doode v niet Dat weet die Heere diet al duersiet Sprack hy met huesscher talen Hy badt ghenade den volcke int generalen. Ontsiet die Princhen deser weerelt niet Al mueghen si v nemen het leuen Ga naar margenoot+ Soo ghy met uwen ooghen aensiet Niet voorder en ist huer ghegheuen Maer vreest alleen des Heerendach Die siele en lichaem ver[.]oemen mach Twas al schriftuere dat hy seyde
[Folio N8v]
Met haeren Cappittelen dat hyse wt leyde. Een in schaeps abijten daer was ghestaen Den onnooselen sach hy nooden Hy stiet den buel van achter aen Dat hy hem rasch soude dooden Hy strafte hem om de waerheyt soet Bernaert sprack met goeden moet Wildy mi anders leeren Ic vercondige v dat leuende woort des Heeren. Als hy de schult hier hadde betaelt Die wy alle moeten smaken Den anderen hebben si voort ghehaelt Hy was van minder spraken Gheen audientie en mocht hy ontfaen Uanden munnick die daer was ghestaen Hy benam hem altijt zijn sprake Elck diet sach iammerde de sake. Wanneer dengoeden Ian spreken wou Dan voer hem den munninck inne Om datmen hem niet hooren sou Dies sprack hy met droeuen sinne Mach ick niet spreken dat vraech ick dy Soe doeghet vry uwen wille met my Hy heeft hem ootmoedelijck ouer ghegheuen Al om te verlaten zijn leuen. Als hem den rechter om genade bidden sou Selfs viel hy neder op bey zijn knien Mijn weerde broeder ick vergheuet v De doot moet my gheschien Hy boot hem ootmoedelijck sinen mont En custen den rechter tot dier stont Met liefden was hy beuanghen Na Christus rijck was allen zijn verlanghen. Als si hem zijn ooghen verbinden souwen Hy en wildes niet ghedooghen Hi sprack laet mi die weerelt aenschouwen Men en verbant God gheen ooghen
[Folio O1r]
Doen hy sterf den bitteren doot Hy heeft ons verlost wt alder noot Aldus liet den goeden Ian zijn leuen Sinen geest in des Uaders handen ghegheuen. Byder noenen zijn der quijt ghegaen Twee lieden van fellen daden Cleyn correxcie hebben si ontfaen Men namse al in ghenaden Dat elck riep tot dier tijt Christus is ghedoot Barrabas gaet quijt Sy storuen martelaren ghelijcke Pecuniam verlost de rijcke. O Christen Broeders wilt v verblijden Al doet v de weerelt eenich verdriet Om Christus wille wilt gheeren lijden En acht de tormenten deser weerelt niet Want zijnen loon is onsprekelijcke Die Godt heeft bereyt in hemelrijcke Uoor hem die ghetrouwe blyuen Al sietmense daghelijcx ontlijuen.	margenoot+ Matth.

Vorige Volgende

Over dit hoofdstuk/artikel

lied

Naar de Nederlandse Liederenbank