Veelderhande schriftuerlijcke liedekens

94. Na die wijse. Mocht ick met lust singhen.

HElp Godt my mach ghelinghen
Du edelen schepper mijn
Den selfsten te volbringhen
Ende louen den Heere fijn
Dat ick mach vrolijck heffen aen
Uan dinen woorden en lijden te singhen
O Heere wilt ghy ons bystaen.

By v woort willen wy bliuen
Nae Esayas doet vermaen ⁺
In zijn boeck doet schrijuen
Eer die weerelt soude vergaen
Ende wat God oyt voor ons ghewracht
Soude hy dat laten bederuen
Het waer bouen natuer en cracht.

Ihesus dat woort des Uaders
Is comen si v vertelt
Met grooter wonder daders
Uercocht om snoode ghelt

+ Esaie.

[fol. L7r]

 

Duer Iudam sinen iongheren een

 

Wert hy vercocht verraden

 

Ihesus dat Lam Gods reen.

 

 

 

Na dat si hadden ghegheten

 

Met namen dat Paeslam

 

Christus en wilde niet vergheten

 

Dat broot in zijnder hant nam

 

Sprack etet het is dat lichaem mijn

 

Dat voor v wort ghegheuen

 

Tot verghiffenis der sonden dijn.

 

 

 

Gaf hem daer oock te drincken

 

In wijn zijn bloet soo root

 

Sijn doot daer by te ghedincken

 

Soot is beschreuen bloot

 

Wie weerdich etet van dit broot

 

Ende van desen kelck mach drincken

 

En sal niet sien den doot.

 

 

 

Ihesus die wiesch haer voeten

 

Als doen ter seluer stont

 

Leerdese niet onversoeten

 

Wt sinen Godtlijcken mont

 

Hebt lief malcanderen tot alder tijt

 

Daer by salmen bekennen

 

Dat ghy mijn iongheren zijt.

 

 

 

Christus al inder gaerden

 

Doen hy ghebeden hadt

 

Die Ioden hem daer waerden

 

Al op den seluen pat

 

Ende brachten hem voor den rechter daer

 

Daer hy ghegeesselt ende ghecroont

 

Ende totter doot veroordelt waer.

 

 

 

Noch aenden Cruyce ghehanghen

 

Die hooghe gheboren Uorst

 

Na ons dede hem verlanghen

 

Daer omme sprack hy my dorst

 

Met name onse salicheyt

 

Daer om heeft hy ontfanghen

[fol. L7v]

 

Hier opter eerden die menscheyt.

 

 

 

Met sinen hoofde gheneghen

 

Hy sinen gheest op gaf

 

Soo Iohannes heeft beschreuen ⁺

 

Ende wert ghenomen af

 

Uanden cruyce int graf wert hy gheleyt

 

Aen den derden dach opstanden

 

Als hy voor hadde gheseyt.

 

 

 

Ende nae den seluen daghen

 

Christus zijn iongheren heeft gheleert

 

Alleen zijn woort te draghen

 

Te preken in de weerelt vermeert ⁺

 

Soo wie ghelooft en is ghedoopt

 

Die heeft dat eeuwighe leuen

 

Tis hem duer Christus ghecocht.

 

 

 

Recht laet ons allen bidden

 

Christus ons ouerheyt

 

Dat wy hier soo moeten lijden

 

In deser allendicheyt

 

Dat ons Godt wil ghenadich zijn

 

Heeft Hendrick Moldenaer ghesonghen

 

Al inden leuen zijn.

+ Ioan.

+ Marc.vltimo.