Veelderhande schriftuerlijcke liedekens


92. Na die wijse. Ick had een ghestadich minneken. HOe wordy aldus moede Als v die Heere proeft? Ghedoocht zijn hant int goede Sijn rijck is v beloeft Hy weet wat v behoeft Bringhet int ghedincken Wat hy v goets wil schincken De Heer si hooch ghelooft. Ghedinckt wie daer beloefde
[Folio L5v]
Al gaedy cruepel en manck Te troosten die bedroefde Daer is den rechten ganck Uan hem is minen sanck Wie daer is beladen Die Heer wil hem beraden Dies heb hy lof en danck. Aenhoort doch die Propheten Tis claerder dan sonnen schijn Hy en sal ons niet vergheten Hoe mocht dat sueter zijn Hy is die medecijn Uan allen creatueren Dus segt tot allen vren Ghelooft moet hy zijn. Wtgaende wt den hooghen Soo heeft hy ons besocht Liefde doet hem gedooghen Dat hy ons soo dier cocht Uan hem staeter noch Dat hy door Christus bede Ons wil gheuen vrede Dies si hem danck en lof. O Heere alder Heeren Alle gheesten zijn v condt Willet ons doch leeren O Heere maeckt ons ghesont Gheeft ons den rechten gront Op dat wy v niet tot smerten Uloecken metter herten En louen metten mont.