Veelderhande schriftuerlijcke liedekens(ca. 1552-1554)–Anoniem Veelderhande schriftuerlijcke liedekens– Auteursrechtvrij Vorige Volgende [Folio L4v] [fol. L4v] 91. Een ander. HOort toe Christen broeders fijn Naer mijn vermonden Uerblijt v en wilt niet meer truerich zijn Die doot die is verslonden Want Christus duer zijn lijden groot Heeft ons gheholpen wter noot Uan des duyuels verseeren Wt zijnder ghenaden heeft hy ons beurijt Dus looft ende danct altijt Den naem ons Heeren. Rijst wt den slaep den nacht is voorby Die daer rust in sonden Keert v tot Godt soo wert ghy bly Uan uwen last ontbonden Legt af dijn Godloose wercken quaet En volcht voort na Christus raet Wilt Godt altijt prijsen Om dat hy v dient tijt heeft ghespaert Doen ghy noch leuende waert Nae der Heydenscher wijsen. Uliedt die vreeschelijcke lusten nv Die teghen den gheest vechten Hebt van alle boosheyt gheenen grou Wilt wesen Christus knechten Want die om hem niet al en verlaet Huys, acker alst gheschreuen staet Ia zijn eyghen leuen Die en is niet weerdich dat hy soude sien Soo grooten vrede ende vruecht by dien Die ons de Heer wil gheuen. Die nv wil beeruen Gods rijcke soet Hy moet hier al verlaten En sweerelts ghenuechte onder de voet Treden en die seer haten Want alle datmen ter weerelt siet [Folio L5r] [fol. L5r] Is lust der ooghen en anders niet Hooghen moet ende rijcdom van goede Dese sullen alle ghelijck hoy vergaen Dus wilt dit verstaen En doet als de vroede. En soeckt gheen hulpe noch salicheyt Dan alleen aen Christus ghepresen Hy is den wech die totten Uader leyt Duer hem zijn wy alle ghenesen Want hy heeft gheheel des vyants macht Met zijn lyden tonder ghebracht Nv hebben wy vrede Duer Christum die is ons Aduocaet En voor den Uader staet In shemels stede. Prinche Godt Heer en Coninck fier Wilt v lekens nv stercken In uwer waerheyt o hoochste Princier Uwen gheest laet in ons wercken In ons herte opperste regent En maeckt ons uwen wech bekent Soo sullen wy recht louen Al die daer voet al datter leeft Dus elck lof en eere gheeft Den Heere hier bouen. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij