Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij
[Folio K8v]
| |
Hoe ghy ghewont zijt ende ghebeten
Ick sal v maken vrij
En gheuen v te kennen mijn secreten
En wort niet desperaet
Noch cleynmoedich in uwen sinne
Al compt v quaden raet
Ghem eynlijck altoos inne
Maer deckt v onder my
En sterft door die minne.
Die Bruyt.
O Coninck ende Princier
Uol gratien al oueruloedich
Siet doch v dienaers hier
Biddick v met tranen gloedich
In wat quaertier
Ghy triumpheert voorspoedich
Soo denckt doch schier
Om minen dienst ootmoedich
Ick en begheer gheen verdrach
In siecten oft ghesonden
Maer nacht ende dach
U dienersse tallen stonden
Want ghy storft voor my
En ghenaest soo alle mijn wonden.
Die Bruydegom.
Mijn schoone minioot
Waer voor ick quam in lyden
Ghy sult al duer mijn doot
Eewelijck met my verblyden
Al lidy hier grooten noot
Wilt altijt vromelijck strijden
Want ghy sult in minen schoot
Rusten tot allen tijden
Mijn lichaem wert ghedoot
Metter liefden brande
Doot verwich bleeck
Gaf ickt voor een offerande
| |
[Folio L1r]
| |
Mijnen hemelschen Uader
Tot eenen onderpande.
Die Bruyt.
Mijn lieflijck greijn
My deert v lamenteren
Gheeft my v liefde reijn
Na uwen wille te regeren
Menich quaet vileijn
Feninich int hanteren
Die willen ons liefde certeijn
Met haerder valscheyt blameren
Dwelck v is mijn broeder leet
U duecht die gheues oorconde
Want ick weet bescheet
Al wt ws hertsen gronde
Ghy storft voor my mijn vrient
En gaeft my alle ghesonde.
Die dit Liedeken eerst sanck.
Wert seer ghequelt van binnen
Sy was oock dicwils cranck
Als een vaetken broosch van sinnen
Christus woort haer dwanck
Uast op hem te verlaten
Hy schenct ons groot miskief
Is hy certeijn onschuldich
Nv gheeft ons gratie lief
In alle lyden te zijne verduldich
Och Christus bidt voor my
Den leuende God driuuldich.
|
|