Veelderhande schriftuerlijcke liedekens

61. Na die wijse. Help Godt wie mach ghelinghen.

GHy Christen broeders te samen
Wilt aenhooren een liedeken recht
Uol hoochprijselijcke namen
Uan den sone Gods ghesecht
Aenschout die schrift al na den gheest
Op dat ghy recht moecht bekennen
Dat hy van tbeghin is gheweest. ⁺

Inden eersten wilt aenmercken
Hoe Christus is dat goddelijck woort ⁺
Daer door zijn Uader ghinck wercken ⁺
In den beghin soo wy hebben ghehoort ⁺
Als Godt hemel ende aerde fundeerde reijn ⁺
Soo was dit woort by hem verheuen
Een metten Uader ghemeijn. ⁺

Wy bekennen na schrifts belyden
Elck een met ooren hoort
Hy was van eewighen tyden ⁺
Wie can vertellen zijn gheboort ⁺
Hy is Gods euenbeelts alleyn ⁺
Dat schijnsel zijnder heerlijckheyt ⁺
Een spieghel zijns wesens reijn.

Wt den mont des alderhoochsten verheuen ⁺
Is dat woort van eewicheyt ⁺
En dat woort was by Godt beneuen

+ Mich.v.

+ Ioan.i.

+ Eph.iij.

+ Collo.i.

+ Gene.i.

+ Ioan.x.xiiij.xvij.

+ Mich.v.

+ Esai.liij.

+ Sap.vij.

+ ij.Cor.iiij.

+ Collo.i.

+ Eccl.xxiiij.

[fol. H3r]

 

In Godt was dat woort so Ioannes seyt ⁺

 

Hy is alleen die wijsheyt Godes groot ⁺

 

Gheboren uan den Uader ⁺

 

Om ons te verlossen vander doot.

 

 

 

Als de mensch Gods gebot had gebroken ⁺

 

Door des listighen duuels raet ⁺

 

Soo heeft Godt tot hem ghesproken

 

Ende beloouet eenen saet ⁺

 

Die ons soude verlossen, van tvyants nijdt

 

En breecken zijn hooft in stucken

 

Hieromme zijn wy verblijt.

 

 

 

Dit saet vol alder eeren ⁺

 

Wert Godes bruyt hier toegheseyt

 

Uan tbeghin te genereren ⁺

 

Door die beloften hoort dit bescheyt

 

Uan gheslacht tot geslacht so Matheus verclaert ⁺

 

Ander beloeften in figueren ⁺

 

Is die sone gheopenbaert. ⁺

 

 

 

Dit saet willet recht aenschouwen

 

Wt den gehlooue na den gheest vry

 

Als eenen waren Isaack vol trouwen ⁺

 

Nochtans voor Abraham was hy ⁺

 

Hy is die wijse Salomon pertinent

 

Uanden rechten Dauid ghecomen ⁺

 

Na der beloeften bekent.

 

 

 

Hy wert oock Dauid gheheeten ⁺

 

Als een wortel een rechte stam ⁺

 

Dauid noemde hem een Heer vermeten

 

Eer hy op aerden quam ⁺

 

Alle Coninghen waren van hem een figuer

 

Dat hy eewelijck soude regneren ⁺

 

Met sinen septer puer. ⁺

 

 

 

Dese roede was in Syon gheseten

 

Als een plantinghe des Heeren wel ⁺

 

Hooch edel bouen alle Propheten

 

De gherechte Emanuel ⁺

 

Hy is dat woort der gherechticheyt

+ Ioan.i.

+ Bat.iij.

+ Eccl.xxiiij.

+ Gen.iij.

+ Sapi.i.

+ Gen.iij.

+ Psalm.lxxxix.

+ Esai.xi.

+ Mat.i.

+ Luc.iij.

+ Ezech.xxxvij.

+ Ge.xxi.

+ Io.viij.

+ Psalm.c.xxxij.

+ Esai.xi.

+ Ezech.xxxvij.

+ Apo.v.xxij.

+ Psal.c.x.

+ Psalm.ij.xiv.

+ Esa.viij.

+ Esai.vij.viij.

[fol. H3v]

 

Eenen rechten vorst des vreden ⁺

 

Als Esaias heeft gheseyt.

 

 

 

Desen soon vol alder eeren ⁺

 

Die in Godlijcker ghedaente was ⁺

 

Die ghinck hem seluem verneren

 

Na des Uaders wille te pas

 

De ghedaente eens knechts nam hy aen

 

Om ons exempel te wesen

 

Sijn voetstappen na te gaen. ⁺

 

 

 

Een reyne maghet ghepresen ⁺

 

Uan Godt voorsien en hooch gheacht

 

Alst consenteerde in desen ⁺

 

Ontfinck si door des gheests cracht ⁺

 

Sy gheloofde Gods woort en is ghewis

 

Een kint wt haer gheboren ⁺

 

Ons tot een sone hy ghegheuen is. ⁺

 

 

 

Desen soon hooch van weerden

 

Uan den hemel hemelsch somen beuint ⁺

 

Die andere Adam op eerden ⁺

 

Nochtans en was hy niet eertsch ghesint

 

Al vander eerden en was hy niet ⁺

 

Dat woort is vleesch gheworden ⁺

 

Als ons Ioannes bediet.

 

 

 

Als hy hem op der werelt verclaerde ⁺

 

Heeft hy ghetoont zijn Godlijcke macht

 

Sijn vader hem openbaerde ⁺

 

Als zijn beminde sone gheacht ⁺

 

Dit isser broot vanden hemel ghedaelt ⁺

 

Sijn vleesch is ons een spijse ⁺

 

Onse schult heeft hy betaelt. ⁺

 

 

 

Alle dat hy van sinen Uader hoorde ⁺

 

Ende wat hy te voren hadde ghesien ⁺

 

Dat selfde hy verantwoorde

 

Noyt sulcken wonder en sachmen gheschien

 

Daer en hadde noyt mensch Godt aenschout ⁺

 

Dan die eenighen soon der vaders

 

Wel hem die op hem betrout.

 

 

+ Esai.ix.

+ Ioan.i.

+ Phil.ij.

+ i.Pet.ij.

+ Esai.[vij].

+ Luc.i.

+ Matt.i.

+ Mat.ij.

+ Esa.ix.

+ Ioan.iij.

+ i.Cor.xv.

+ Ioan.viij.

+ Ioan.i.

+ Mat.viij.

+ Ioan.v.

+ Matt.iij.

+ Mar.i.

+ Ioan.vi.

+ Esai.liij.

+ Ioan.iij.

+ Ioa.viij.

+ Io.i.vi.

[fol. H4r]

 

Die dooden gaf hy dat leuen ⁺

 

En de blinden haer ghesicht ⁺

 

De sonden mocht hy vergheuen ⁺

 

Dees wercken vielen hem licht

 

Hy is de poort, ende rechte baen ⁺

 

Niemant en compt totten Uader

 

Hy en moet door den soone gaen.

 

 

 

Dese soon die mach ons leeren ⁺

 

Want hy selfs de waerheyt is pleyn ⁺

 

Sijn schaepkens gaet hy informeren

 

Door sinen gheest een vertrooster alleyn ⁺

 

Wilt draghen sinen last soo hy ons ghebiet ⁺

 

Hy is een fonteyne des leuens

 

Sijn gracie gheeft hy om niet. ⁺

 

 

 

Onse sonden heeft hy ghedraghen ⁺

 

Veel smerten met grooter noot

 

Al van tbeghin der daghen ⁺

 

Is dat Lammeken ghedoot

 

Uoor ons ouertredinghe heeft hy ghebeen

 

Doen wy Gods vyanden waren ⁺

 

Stelde hy sinen Uader te vreen. ⁺

 

 

 

Dits onse salichmaker warachtich

 

Een rechte arm van sinen Uaer ⁺

 

In hem soo woont lijfachtich ⁺

 

Die volle Godheyt eenpaer

 

Ioannes noempt hem warachtich Godt ⁺

 

Daer toe dat eewich leuen

 

Dit is die sommighe een spot.

 

 

 

Laet ons de Uader door Christum bidden ⁺

 

Ende vergaderen in sinen naem ⁺

 

So is hy by ons int midden

 

Die hem inden gheeft aenroepen bequaem ⁺

 

Tot prijs zijns Uaders altijt voorwaer

 

Soo hem Thomas heeft beleden ⁺

 

Bekennen wy Christum claer.

 

 

 

Desen sone vol van ghenaden

 

Gaf sinen discipulen de macht ⁺

+ Matt.xi.

+ Luc.vij.

+ Matt.ix.

+ Ioan.x.xiiij.

+ Io.xiiij.

+ Ioan.x.

+ Io.xiiij.

+ Mat.xi.

+ Esa.lv.

+ Esai.liij.

+ Apo.xiij.

+ Collo.i.

+ Eph.ij.

+ Esai.liij.

+ Collo.ij.

+ i.Ioan.v.

+ Io.xiiij.

+ Matth.xviij.

+ Ioan.iiij.

+ Ioan.xx.

+ Matt.x.

[fol. H4v]

 

Sy deden wel wonderdaden ⁺

 

Door sinen naem gheacht ⁺

 

Hy beualse te doopen in sinen naem ⁺

 

Alle die hier aen gheloouen

 

Die zijn daer oock toe bequaem. ⁺

 

 

 

Al dat daer meer staet beschreuen

 

Uan desen soon excellent

 

Bekennen wy al beneuen

 

Dat oudt ende nieuwe testament

 

Hy is God ouer al in eewicheyt

 

Int neghenste tot den Romeynen ⁺

 

Heeftet Paulus wt gheleyt.

 

 

 

Ten heeft my niet verdroten

 

Al om te dichten dit liet

 

Om mijn rechte mede ghenoten

 

Soo isset wt liefden gheschiet

 

En nemet ten besten mijn cort ghesang

 

Soutmen al van Christo verhalen

 

Mijn liet viel veel te lang.

+ Mar.iij.

+ Luc.ix.

+ Matth.xxviij.

+ Mar.xvi.

+ Rom.ix.