Veelderhande schriftuerlijcke liedekens

60. Na die wijse. Ghy amoruese ontwaect.

GHy christen menschen ontwaect
Ende Gods woorden smaect
Niet langhe en slaept
Godt roept ons alle ghemeene
Der weerelt vruechden staect
Naer Gods beloeften haect
En v seluen versaect

[fol. H2r]

 

Toont v ghelooue reene

 

Want Christus is onsen troost alleene.

 

 

 

Weest vrolijck allegaer

 

Tot desen nieuwen Iaer

 

Sijt sonder vaer

 

Alle die in Christo zijt herboren

 

Sijn iock is licht voorwaer ⁺

 

Uolcht zijn woorden naer

 

Wt liefden openbaer

 

En laet v ghelooue hooren

 

Want Christus bemint zijn wtuercoren.

 

 

 

Uerblijt v alle in dit kindekijn

 

En wilt nv vrolijck zijn

 

Ontslaet v alle pijn

 

Hy sidt byden vader verheuen

 

Hy is ons medecijn

 

Hy gheneest ons crancheyt fijn

 

Met olije ende wijn

 

Wilt hy alle misdaet vergheuen

 

Soo sullen wy eewich leuen.

 

 

 

Broeders zijt nv eens sins ghemoet

 

Want Christus die is ons goet

 

Dit kindeken soet

 

Dat die Uader ons heeft ghesonden

 

Tot onser sonden boet

 

Sijt simpel ende vroet

 

Naer Gods woorden doet

 

Waect en wort wacker gheuonden

 

Want die Heer en compt niet tot allen stonden.

 

 

 

O alder liefste zijt doch wel bedacht

 

Ende Christus toecomste wacht

 

Dach ende nacht

 

Is alle die weerelt in lijden

 

Die Propheteii werden volbracht

 

Die duyuel voor zijn iacht

 

Christus die toont zijn cracht

 

Denct om die leste tyden

+ Matt.xi.

[fol. H2v]

 

Ghy wtuercoren wilt v in Godt verblyden.

 

 

 

Christen mensche neempt dit in danck

 

Die in die liefde zijt cranck

 

Gaet nv den rechten ganck

 

En versoent Christum alle gaere

 

In zijn leden al sonder bedwanck

 

Sy wachten al na den ontfanck

 

Ick bid v en toeft niet lanck

 

Sy hebbens noot voorwaere

 

Uersoeckt Christum tot desen nieuwen Iaere.