Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij56. Een ander.GOdt help my dat ick mach heffen aen
Wat ons Matheus
doet verstaen
Uan eender heydenscher vrouwen
Ga naar margenoot+
| |
[Folio G7r]
| |
Sy is van Chananeen ghecomen
En heeft haer toeulucht tot Christum genomen
Ten heeft haer niet berouwen.
Sy riep Ihesus Dauidts soon aen
Dat was met rechte wel sinen naem
Wt grooter barmherticheden
Sy en heeft terstont gheenen troost ghecreghen
Daer om soo en heeft si niet ghesweghen
Haer vast betrouwen dede haer verbeden.
Sy sprack o Heere ontfermt v mijns
Mijn dochter heeft vanden vyant veel ghepijns
Wilt my doch ter hulpen comen
Ihesus en heeft haer gheen antwoort gegeuen
Nochtans is si volherdich ghebleuen
Het tis na gheschiet tot haerder vromen.
Die dissypelen zijn voor Ihesum getreden
En hebben al voor dat vrouken ghebeden
Dat si hem niet na en soude roepen
Ihesus sprack verstaet dit wel
Ic ben ghesonden tot die schaepkens van Israhel
Om die verloren weder omme te soecken.
Dat vrouken is wederom tot Ihesum gegaen
En heeft haer ghebet ootmoedich ghedaen
Och Heere compt my te helpen
Mijn sonden zijn mi van herten leyt
En toont my v groote barmherticheyt
En wilt mijn quellagie stelpen
Ihesus sprack tot dat vrouken saen
Het en waer niet eerlijck van my ghedaen
Nv wilt dit wel duergronden
Datmen den kinderen huer broot sal nemen
En den vremde volcke sal gheuen
En worpent soo voor die honden.
Dat vrouken sprack laet mi genade geschien
Het is doch dicwils wel meer ghesien
Al aender Heeren tafelen allen
En dat de hondekens eeten broot
| |
[Folio G7v]
| |
Dat den Heeren kinderen ouerschoot
Die cruymkens die vander Heeren tafel vallen.
Iesus sprack tot dat vrouken milt
U gheschiede alsoo ghy seluer wilt
Ghy hebt een groot betrouwen
Daer omme soo en wilt v niet versaghen
En wilt v misdaet voor Iesum beclaghen
Het en sal v seker niet berouwen.
|
|