Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij
[Folio D3v]
| |
25. Na de wijse. Die mey staet nv schoon ghebloeijt.CHristelijcke broeders van herten liberael
Weest nv Gods woort altijt obedient
Hebt malcanderen lief dat is het princepael
Want liefde moet wesen van v dat fondament
Soe Christus sprack in present
Daer zijn Apostelen waren ontrent
Hebt malcanderen lief ick beueel v dat
Ga naar margenoot+
Soo ick v lief hebbe ghehadt.
Hoort wat Cristus sprac die Heer gebenedijt
Vercondicht mijn woort waer dat ghy henen gaet
Ga naar margenoot+
Soo wie mijn woort al voor die menschen belijt
Die sal van deser weerelt zijn ghehaet
U daer niet in en verslaet
Mijn gracie v bystaet
Minen Uader sal v behoen
En vreest voor gheen menschen misdoen.
Als ghy van alle menschen zijt versmaet
Lijdt in v herte daeromme gheen verdriet
Die duysternisse heeft altijt dat licht ghehaet
Ga naar margenoot+
Die claerheyt des lichts can si ghedooghen niet
Soomen nv daghelicx siet
Dat daer alsulcx gheschiet
Laet ons Godt bidden al
Ick hope dat eens beteren sal.
Daer om menschen wilt al tot Cristum
loopen
Hy is die duere diemen totten Uader gaet
Ga naar margenoot+
Sijn goddelijcke gracie en die staet altijt open
Want hy ons arme sondaren niet en versmaet
Hy is ons Aduocaet
Daer alle onsen troost aenstaet
By sinen hemelschen Uaer
Dat segghe ick v voorwaer.
Ick ben den wech de waerheyt ende dat leuen
Ga naar margenoot+
Niemant en comt totten Uader, ten is
alleen duer my
| |
[Folio D4r]
| |
Uoor my en derfdy suchten noch oock niet beuen
Want ick alleen bekenne dat herte dijn
Wilt allegader comen tot my
Ick ben v Medecijn
Ick ghenese v sondich fenijn
Al sonder wee oft sonder pijn.
Christus die Heer sprack tot sinen Apostelen soet
Ga naar margenoot+
Ick sende v als schapen midden onder de woluen hier
Ga naar margenoot+
Weest voorsichtich als die serpenten vroet
Ende simpel als duyuen goedertier
Wacht v voor die menschen fier
Sy sullen v leyden hoort dit bestier
Uoor Princen en Coninghen groot
En veroordeelen v totter doot.
Noch sprack Christus die leeraer der rechter leer
Ghedenct mijns woorts dat ick v heb verclaert
Ga naar margenoot+
Hoe dat den knecht niet beter en is dan zijn Heer
Noch de discipel bouen sinen meester vermaert
Ga naar margenoot+
Hebben si my veruolcht versmaet
Soo sullen si v oock weest niet veruaert
Ga naar margenoot+
Ick sal v senden minen gheest
Om v te troosten alder meest.
D[i]t heb ick tot v gesproken datghy v niet ergheren en sout
Ga naar margenoot+
Sy sullen v inden banne doende zijn
Den tijt sal comen dat soo wie v doodet stout
Sal meynen te doene eenen dienst den Heere fijn
Maer en vreest niet op dat termijn
Sy en connen v maer een corte pijn
Ghedoen door haren schalcken raet
Die v veruolghen seer opstinaet.
Ghy cleyne schare en weest niet beureest
Tis mijns Uaders behaghen v te gheuen mijn eewich rijck
Ga naar margenoot+
Ick sal v seynden den trooster den heylighen
gheest
Dat hy by v blyue nv ende eewichlijck
Ga naar margenoot+
| |
[Folio D4v]
| |
Blyuet in my alle ghelijck
Soo sal ick in v tot alder tijt
Ga naar margenoot+
Want sonder my en vermuecht ghy niet
Te volbringhen mijn gheboden siet.
O Princelijcke Godt o eewighe wijsheyt
O hemelsche Uader sendt neder uwen gheest
Op dat v Godlijck woort doer ons mach worden verbreyt
Dat daer soo lang verbeten is gheweest
Uan dat ghecroonde beest
Ga naar margenoot+
Daermen soo veel af leest
Die Hoer van Babilonien fel
Men kent haer treken wel.
|
|