Veelderhande schriftuerlijcke liedekens

20. Een ander.

BRoeders broeders wilt vrolijck zijn
Die Hoer van Babilonijen
Sy schiet nv huer fenijn ⁺
Met hueren seuen tronijen ⁺
Gods woort dat doet hem pijn
Dus zijt verblijt//in deser tijt
En wilt Gods woordt ontfaen
Al roupse van Antemonium
Gods woordt sal eewich staen.

Aaron Aaron hoe ist aldus besmet ⁺
Dat Calf is weder verheuen
Ende in Godts stede gheset
Sy worden hier verdreuen

+ Daniel.

+ Apoca.

+ Exod.

[fol. C7r]

 

Diet gheeren hadden belet

 

Maer doet noch wel//en aenbiet gheen vel

 

Dat vant Calf is ghedaen

 

Soe en sal tgout aen v niet cleuen

 

Gods woort sal eewich staen.

 

 

 

Babel Babel aenbidt ghy noch den draeck ⁺

 

Blint met sienden ooghen

 

Het is wel een groote saeck

 

Het is te grof gheloghen

 

Dat volck crijcht nv den smaeck

 

Den draeck die borst//voor Daniels cost

 

Gods woort is nv te plaen

 

Al moet uwen buyck ontberen

 

Gods woort sal eewich staen.

 

 

 

Belus Belus die ghenoemt is Bel ⁺

 

Hoe suldy al verslinden

 

Dees woluen alsoo fel

 

Daniel die sal v binden

 

Ende thoonen v ghestel

 

Onder dien outaer//daer vindijt alsoo claer ⁺

 

Hoe ghy ons hebt verraen

 

Dat asschen teecken suldy vinden daer

 

Gods woort sal eewich staen.

 

 

 

Balaam Balaam segt my nv ghy Propheet ⁺

 

Wilt ons nv prophenteren

 

Daer ghy niet af en weet

 

Hoe wilde ghy Iacop deeren

 

Daer Balack tseghen bleet

 

Den Esel die sprect//want hy ons beghect

 

Wacht v den Enghel die sal slaen

 

Al hebdy ons dus bedroghen

 

Gods woort sal eewich staen.

 

 

 

Dagon Dagon der philistijnen God ⁺

 

Wildy ons langher eten

 

En houden tvolck in spot

 

U crijtende Profeten

 

Die maken tvolck al sot

+ Daniel.

+ Daniel.

+ Apoca.

+ Num[...].

+ [Reg....]

[fol. C7v]

 

Sy spouwen vier//siet op haer manier

 

Hoe si met handen slaen

 

Al hebdy ons dus bedroghen

 

Gods woort sal eewich staen.

 

 

 

Pharo Pharo die zee heeft v gheschent

 

Alle die Gods woort bespotten

 

Die comen v nv ontrent

 

Ghy zijt wel groote sotten

 

Met sienden ooghen blent

 

Ghy doet verdriet//Gods volck aensiet

 

Met villen en met braen

 

Inde zee suldy verrotten

 

Gods woort sal eewich staen.

 

 

 

Ghy Princen en Princesse die ombesweken

 

Thoent nv uwen hooghen moet

 

God die Heere salt op v wreken

 

Dat ghy stort het onnossel bloet

 

Laet traenkens van berouwe leken

 

Der onnosselen doot//acht Christus also groot

 

Daer hy voor heuet voldaen

 

Hoe suldy dit versteken

 

Gods woort sal eewich staen.