Veelderhande schriftuerlijcke liedekens

[fol. A1r]

Ueelderhande schriftuerlijcke Liedekens ghemaeckt wt den ouden ende nieuwen testamente, nv nyeus anderwerf gecorrigeert ende verbetert ende vermeerdert met meer ander Godlijcke Liedekens, die noyt In Printe en zijn gheweest, ende zijn op den A, B, C, by den anderen gheuoecht.

Apoc.xix.
Looft onsen Godt alle zijn knechten, ende die hem vreesen, beyde cleyn ende groot.
 
Psal c.li.
Al wat adem heeft, looft den Heere,

[fol. A2r]

Totten Sangher.

HIer hebt ghy lieue Sanger sommige Liedekens, die tot Gods eere, ende lof ghemaect, ende bi den anderen vergadert zijn so siet wel toe dat ghijse ooc tot den prijs Gods gebruyct niet in ydelheyt oft om den menschen te behagen maer ghelijck die kinderen van Israel doense god vander hant Pharaonis verlost hadde doen hebben si den Heere gelooft, ende groot ghemaect, ende ⁺ seyden. Ick wil den Heere singhen, want hi heeft heerlijcken ghedaen ros endewagen heeft hy omgheworpen in die zee ende als ons den Heere oock verlost heeft wt het ghewelt des duyuels, ende wy in Christum recht gheloouen so moghen wi dan oock wel singhen louen ende dancken den Heere ⁺ van sinen grooten weldaden die hi ons bewesen heeft, alsser ghescreuen staet. Prijst te gader dat Liedeken, ende ghebenedijt den Heere in sine wercken, ⁺ gheeft sinen name grootmakinge, ende belydt hem in die stemme uwer lippen. Als Paulus ooc verhaelt daerom so laet ons nv door hem offeren die offerhande des loofs Gode altijt, dat is die ⁺ vrucht der lippen der gheender die sinen naem bekennen. Noch seyt Paulus. Spreeckt met malcanderen van Psalmen ende lofsangen, endegheestelijcke Liedekens singhet, ende speelt den Heere in uwer herten. Also ist den Heere aenghenaem alst wt een recht geloouich herte coemt, maer ⁺ anders niet want daer staet gescreuen. Den lof en is niet schoon in des sondaers mont, want hi en is vanden Heere niet gesonden. Dus elck sie

+ Exo.xv.

+ Ec.xxxix.

+ Heb.xiij.

+ Ephe.v.

+ Eccl.xv.

[fol. A2v]

wel toe ende neme hem seluen waer op dat hy mach op den berch ⁺Syons singhen dat nieuwe Liet met alle wtuercoren Gods oude niet haet noch verbeyden van eewicheyt toe eewicheyt.

AMEN.

+ Aps.xiiij.