Veelderhande liedekens, gemaect uut den Ouden ende Nieuwen Testamente

[O Ghy Israelijtsche Schare]

C Na de wijse: Brootdroncken willeken coene.

O Ghy Israelijtsche Schare
Alomme breet en wijt
^†Loeft ende danckt allegare
Ons Godt sonder respijt
Die vroom voor v lien strijt
^‡Hy is v schilt, en oock een vaste slot
Siet niet op swerelts nijt
Al zijt ghy talder tijt
Van haer ghehouden, voor dwaes ende sot.

Wilt vromelijck henen strijden

^*Al met verduldicheyt
Van Christo wijckt niet ter zijden
V is de Croon bereyt
Al moet hier zijn gheschreyt
Twort v wel vergolden dies seker zijt
^†Als daer sal zijn gheseyt
Al door ghenadicheyt
Besit dat Rijck eeuwich ghebenedijt.

Al ist dat ghy zijt verdreuen

Den Woluen inden schoot
Godt can v wel sterckheyt gheuen
In uwen meesten noot
Strijt tot den bloede root
Hy sal v by wesen tot inden ent

† Colo. 1, 12

‡ Psa. 18, 3.

* Heb. 12, 1.

† mat. 25, 33

[fol. 274r]

 

Sijt niet van duechden bloot

 

Smaeckt dat ^* Hemelsche broot

 

Van God gheschoncken, ons tot een present.

 

Van al dees benautheyt sware

 

Hadden wy gheen aenstoot

 

Doen wy van iare te iare

 

Gheestelijck laghen doot

 

Door onghelooue groot

 

Maer want de vre is ghecomen nv

 

Dat wy hebben ghehoort

 

Christum, en leuen voort

 

^†Sijn wy gheworden al des werelts schu.

 

Sijt niet cleynmoedich in desen

 

^‡Diet al heeft in ghewelt

 

Is ons een hulper ghepresen

 

^*Die ons helpt houden tvelt

 

Hy is een cloecke Helt

 

^†Die Doot en Duyuel heeft ouerwonnen

 

V hope op hem stelt

 

Al wort ghy hier ghequelt

 

^‡Van haer dreyghen laet v niet verschromen.

 

Sy moghen maer omme bringhen

 

Den rock, die vleeschelijck es

 

Daer voor sullen wy singhen

 

^*Dat nieuwe liet expres

 

Dit oude snoo als mes

 

^†Sal van Christo verclaert zijn beseuen

 

^‡Die sal ons tranen swaer

 

Afdwaen eeuwich hier naer

 

Met hem oock gheuen dat eeuwich leuen.

 

Want Paulus heeft ons voorsproken

 

^*Is dat ons aertsche huys

 

Dees wooninghe wort ghebroken

 

Verblijt in Christus cruys

 

Dat wy (weest niet confuys)

 

Een timmeringhe sullen beeruen

 

Van Godt, als de Schrift secht

 

Met gheen hant opgherecht

 

Tsal blijuen eeuwich sonder verderuen.

* ioan. 6, 35, *

† 1. cor. 4, 9

‡ mat. 28, 18

* 2. cor. 2, 16

† 1. co. 15, 27
Hebr. 2, 8.

‡ 1. pet. 3, 14

* Apo. 14, 3.

† Phil. 3, 21

‡ esa. 25, 8.
Apo. 7, 17 ende 21, 4.

* 2. Cor. 5, 1

[fol. 274v]

 

Lieue Broeders so wy lesen

 

Oock Susters tallen tien

 

Al coemt v druck aengheresen

 

Om Christus, ^* wilt verblien

 

Het moet also gheschien

 

Maer tsal v wel vergolden wesen

 

Groot sal wesen v loon

 

Bouen in tsHemels Throon

 

Daer wort ghy vant lijden al ghenesen.

* Mat. 5, 12