Veelderhande liedekens, gemaect uut den Ouden ende Nieuwen Testamente

[O Mensch aenhoort, siet ende smaeckt Gods woorden]

C Na de wijse: Recht als een Hert verlangt na een fonteyne.

O ^† Mensch aenhoort, siet ende smaeckt Gods woorden
Ontfangts in v ooren, en prentse op v hert
En dwaelt niet meer, oft ghy sout v siele vermoorden
En latet niet om druck, lijden, pijn oft smert
Al moecht ghy de menschen ontloopen vert
^‡Des Heeren gert
Cont ghy leuen noch doot ontulieden
^*Godt sal ons al voor zijnen stoel ontbieden.
^† O mensch hy coemt, en brengt zijn loon die hem dienen
Siet voor v, ^‡ des sondaers loon is deewige doot
^*Godt sal den grooten, niet meer als den cleynen ontsien
Want wy lesen, den machtigen naect pijne groot
So hy zijn sonden niet van hem en stoot
Sy blijuen root
^†Die na den vleesche leeft moet steruen
Maer Godts kinderen sullen ontfaen zijn eruen.
^‡ O mensch die nu des Heeren straf niet en wilt draghen
Dat zijn bastaerden genaemt in de schriftuer
Die hy lief heeft, gheeft hy de meeste slaghen
^*En proeftse ghelijck gout ende siluer int vuer
In smert moet ghy baren ^† een nieu creatuer
Al vallet v suer
^‡Dat oude in Christus doot begreuen
En verrijsen met hem in een nieu leuen.

O mensch hoort hem, coemt, waer wildi v keeren

^*By hem zijn de woorden des leuens alleene siet
^†Coemt doch en wilt ootmoedicheyt van Christo leeren

† Esai. 1, 2.

‡ Ese. 20, 37

* Ro. 14, 10.
2. cor. 5, 10.

† apo. 22, 12

‡ Ro. 6, 23.

* Sap. 6, 8

† Rom. 8, 13

‡ Heb. 12, 8.

* Eccli. 2, 5.

† gal. 6, 17

‡ Rom. 6, 4

* Joan. 6, 68

† mt. 11, 28

[fol. 262v]

 

^*En waeyt niet met alle winden, gelijc een riet

 

^†Segt niet, wy zijn wijs, rijck en wel gecliet

 

En behoeuen niet

 

Als die van Laodicien deden

 

En waren nochtans naect, blint, arm, sonder cleden.

 

^‡ O mensch v gout is schuym, v gerechticheyt is sonde

 

V waerheyt is lueghen, v Godsdienst is afgodery

 

^*V cleet is naecktheyt, v licht wort duysternis beuonden

 

Hierom coemt ende coopt gout vanden Heere O ghy

 

En siet toch eens op ^† Adam vry

 

Een blat nam hy

 

Nochtans so vant hem naeckt de Heere

 

^‡Dus en set gheen nieu lap op oude cleere.

 

^* O mensch het moet heel nieu zijn, dout is al verganghen

 

^†Daer en dient gheen nieuwe most in een oude fles

 

^‡Des Heeren Geest en mach geen ongehoorsaem mensch ontfanghen

 

Noch in geen geueynst hert hy woonachtich es

 

^*Haer roepen en soecken is te vergheues

 

Maer alleen in des

 

Die reyn zijn van herten, en ^† arm van geeste

 

^‡In dees wil hy woonen en wandelen meeste.

 

O mensch dat wee heeft v so seer beuangen

 

^*Het staet v oor als een vrou die baren verwacht

 

^†Daerom gady dicwils ander vrienden aenhanghen

 

Want ghy siet datmen dees in alle landen veracht

 

V vleesch en de werelt te segghen goe nacht

 

Tschijnt v niet sacht

 

Dus gady tswerelts vrientschap kiesen

 

^‡En denct niet dat ghy v sielen sult verliesen.

 

O mensch ghy ^* kiest met Esau een cleyne weelde

 

Waeckt op en siet ^† hoe Moses en Paulus deen

 

Ghy gect met Bael, en dient nochtans zijn beelde

 

Om datse met v wel soude wesen te vreen

* Eccli. 5, 11

† apo. 3, 17

‡ Esai. 1, 22.

* Apo. 3, 17

† Gene. 3, 7.

‡ mat. 9, 16.
Mar. 2, 21
Luc. 5, 36.

* 2. co. 5, 17

† mar. 2, 22
Luc. 5, 37.

‡ Sap. 1, 5

* pro. 1, 28.

† Math. 5, 3

‡ 2. co. 6, 16

* esa. 26, 17
Joan. 16, 21

† mic. 4, 9

‡ mat. 16, 26

* Ge. 25, 34

† Heb. 11, 25

[fol. 263r]

 

O ^‡ mensch wilt v wt Babel scheen

 

Valsch is haer reen

 

^*Sy soeckt v siele te verleyden

 

Met v melc en wol, sy haer spijsen en cleyden.

 

^† O mensch gaet niet met vleesch en bloet te rade

 

^‡Maer gaet tot den Heer, en vraecht wat ghy sult doen

 

Acht al v tijtlijck goet ^* voor dreck en schade

 

^†De Heer sal v wel me zijn woorden voen

 

^‡Gaet na dat nieuwe Jerusalem groen

 

^*Treckt aen de schoen

 

Vant Euangelium des vredes

 

^†Bidt den Heer sonder ophouden altijt stedes.

 

^‡ O mensch ghedenckt dat niet onreyns en mach in dees stede

 

^*Dan die haer cleet hebben gewasschen int Lams bloet

 

^†En die tquaet laet, goet doet en soect de vrede

 

^‡En die zijn gelt niet wt op woecker en doet

 

^*Die den ouden Adam treen onder voet

 

^†En doene Boet

 

^‡En die van nieus werden gheboren

 

^*Dit zijnse die in dese stadt hooren.

 

^† O mensch tis v vercondicht wat ghy moet doene

 

^‡Wilt ghy in dat nieuwe Jerusalem hebben een deel

 

Ghy moest niet meer den ^* wijn drincken van Babiloene

 

Daer van alle Princen en Coningen vol hebben haer keel

 

Neemt waer, ^† daer sullen na loopen veel

 

Maer niet gheheel

 

En sullen sy daer in gheraken

 

^‡Oft sy moeten haer seluen eerst versaken.

 

^* O mensch hebt ghy v leuen lief so moet ghijt verliesen

 

Maer diet om des Heeren naem verliest, vint het hier naer

 

O mensch en wilt geen ^† schuym voor schoon gout kiesen

 

^‡Want water, vier, leuen, doot, goet en quaet

 

Och kiest het best, ^* en belijdt v Vaer

‡ esa. 48, 20
apo. 18, 4.

* ese. 34, 3.
mt. 24, 24

† Gal. 1, 16

‡ mat. 19, 16
Act. 9, 6.

* phil. 3, 7.

† mt. 4, 4

‡ apo. 21, 2

* eph. 6, 15

† Luc. 18, 1
1. tes. 5, 17.

‡ Apocali. 21, 17.

* apo. 7, 14

† psa. 14, 15

‡ psa. 15, 15

* Col. 3, 9.

† mar. 1, 15

‡ Joan. 3, 3.

* apo. 21, 2.

† Mic. 6, 8

‡ apo. 21, 2

* apo. 17, 2. ende 18, 3.

† Luc. 13, 22

‡ mat. 16, 24

* luc. 17, 33

† Esai. 1, 22.

‡ eccli. 15, 21.

* Luc. 12, 8

[fol. 263v]

 

Voor tswerelts schaer

 

^*So sal hy v wederom belijden

 

Dus schaemt hem niet, ^† maer draecht zijn cruys blijde.

 

O mensch en gelooft niet oft yemant v wou segghen

 

Datmen Gods woort sonder cruys beleuen mach

 

^‡Want sy v cussens onder v armen legghen

 

^*En troosten v int ongeluc nacht ende dach

 

^†Wantmen geen ander gront eewich en sach

 

Dan Paulus lach

 

^‡Ja al quaem een Enghel van bouen

 

Die anders seyt, en wilt hem niet gheloouen.

 

^* O mensch gedenckt hoe seer de verdoemde sullen suchten

 

En verwonderen als sy de vrome in vruechden seen

 

Van benautheyt ^† sullen sy in holen vluchten

 

^‡Als Christ zijn schapen vande bocken sal scheen

 

^*Die hem hier voor de Princen beleen

 

Leyt hy in vreen

 

^†Maer die hem voor dit volck versaken

 

^‡Die stuert hy de Helle in haer kaken.

 

Orlof aen alle geslachten, waer dat si wuenen

 

Ick bid v neemt dit toch van v dienaer in danck

 

^*En wilt niet langher opt broosche riet van Egypten luenen

 

Wt liefd waerschau ic v dat het is seer cranc

 

Och bidt voor hem die dit eerst sanck

 

Sijn gheest die spranck

 

Tot alle menschen opter Eerden

 

Op datse noch salich mochten werden.

* Apo. 3, 5.

† mt. 16, 24
mar. 8, 34

‡ Ese. 13, 18

* Mic. 3, 5

† 1. co. 3, 11
2. Ti. 2, 19.

‡ Gal. 1, 8.

* Sap. 5, 3.

† Esa. 2, 19.
Apo. 6, 15

‡ mt. 25, 32

* mt. 10, 32
Luc. 12, 8.

† mr. 8, 38.

‡ esa. 5, 14

* 4. re. 18, 21
Esa. 36, 6.
Ese. 29, 6.