Veelderhande liedekens, gemaect uut den Ouden ende Nieuwen Testamente

[O Heer wilt my verhooren]

C Na de wijse: O Syon wilt v vergaren.

O Heer wilt my verhooren
Ick sing v een droeuich Liet
^*In sondt ben ick gheboren
Beken ick met Dauid siet
^†Want uwe woort O Heere
My eerst de sonden aenwees
^‡Van thooft vol, tot de voeten neere
^*Ja meere, dan tzant des zees.

O Heer mijn sonden zijn meere

* Psa. 51, 7.

† Rom. 7, 7

‡ Esai. 1, 6.

* manas. 5.

[fol. 259v]

 

Dan die hayren op mijn hooft

 

Sy weghen my ter neere

 

En hebben my v berooft

 

Ick meynde, ick was een Christen

 

Doen ick heel vleesschelijck liep

 

Den wech der waerheyt ick miste

 

In Babels arm ick sliep.

 

^* O Heer voor v alleene

 

Heb ick sonden, quaet ghedaen

 

^†Ick mach wel suchten en weenen

 

^‡Mijn ooghen ter aerden slaen

 

O Heer ick ben niet weerdich

 

Te heeten v dienaer goet

 

Ick was wilt ende hooueerdich

 

Ghierich, stout, boos en verwoet.

 

O Heer tzaet vander Slanghe

 

Ontfing ick in Adams aert

 

Daer mede ghinck ick swanghe

 

En heb Sathans vrucht ghebaert

 

Gulsicheyt, kijf en twiste

 

^*Haet, nijt, lueghen meedt

 

Oncuysch, meyneedich en liste

 

Dronckenschap en ouertreedt.

 

^† O Heer ick buych de knien mijns herten

 

Met Manasse den Coninck vroom

 

Mijn sonden my drucken en smerten

 

Ick schaem dat ick tot v coom

 

Om dat ick my versade

 

^‡Met suerdeech ^* ende Verckens draf

 

^†O Heer neemt my in Ghenade

 

En werpt my niet sondich int graf.

 

O God, ick noem v Vaer en Heere

 

En ben niet weert v knecht te zijn

 

Wilt v goetheyt niet van my keere

 

Vergheeft dese stoutheyt mijn

 

^‡Ick bent werck uwer handen

 

En ghy mijn Schepper, O Godt

 

^*Laet my niet comen tot schanden

 

^†Verblijt niet mijn Viant bodt.

* Psal. 51, 9
Manass. 9

† psal. 6, 7

‡ luc. 18, 13.

* Ephe. 5, 3
Gal. 5, 20.

† Manas. 10

‡ mat. 16, 6.
Luc. 12, 1.

* luc. 15, 16

† psa. 25, 11

‡ esa. 64, 21

* psal. 25, 2 ende 31, 2. ende 71, 1.

† psa. 25, 2. ende 30, 2.

[fol. 260r]

 

O Godt maect my een Israelijte

 

Met Jacob onsen vaer

 

Al sou mijn vleesch daer af verslijte

 

Tvernieut wel weder hier naer

 

^‡Ick wil mijns Heeren slaghen

 

Van herten ontfangen bly

 

Vleesch en bloet wil ick waghen

 

^†En nemen zijn cruys op my.

 

O Heer des doodes stricke

 

En dangste der Hellen meet

 

Omringt my, ^‡ dus straft my Vaderlicke

 

^*Ghenadich en niet wreet

 

^†Treet niet met my int rechte

 

My toch by v knechten verclaert

 

^‡Bewaert my recht ende slechte

 

^*Aensiet my noch voor v dienaert.

 

^† O God schept in my een reyn herte

 

En gheeft my een nieuwen Gheest

 

Wascht my wel van mijn sonden swerte

 

Mijn ghewonde siele gheneest

 

^‡Reynicht mijn hert, mijn nieren

 

^*Op dat ghy muecht woonen in mijn

 

So sal tsondighe lichaem vieren

 

Sonder v Gheest macht niet zijn.

 

O Prince Vader zijt duldich

 

Met my v ^† onnutte knecht coen

 

^‡ Die v thien Duysent Pont is schuldich

 

En heb niet, waer mede te voldoen

 

^*Wat sal ick v weder gheuen

 

Voor v liefde O Vader mijn

 

^†Ick wil v opofferen mijn leuen

 

Mijn siel opheffen tot dijn.

‡ Heb. 12, 5.

† mat. 16, 24

‡ Heb. 12, 6.

* Psal. 6, 3

† ps. 143, 2

‡ Psa. 25, 21

* luc. 15, 19

† Ps. 51, 12

‡ Psal. 26, 2

* Ro. 6, 6.

† Luc. 17, 10

‡ mt. 18, 24

* psa. 116, 12

† Rom. 12, 2