Veelderhande liedekens, gemaect uut den Ouden ende Nieuwen Testamente

[Ons gelooue staet vast op Godes ghebot]

C Na de wijse: O Heere God begnadighet my.

ONs gelooue staet vast op Godes ghebot
Wy gheloouen en bekennen een ^† eeuwich Godt
Een almachtich Vader van weerden
^‡Een Schepper van Hemel ende eeren
Daer toe versaken wy Antechrists Rijck
Met alle zijn ghemaeckte Goden ghelijck
Van gout, siluer oft broode
Deser gheen en helpen in noode
Wy roepen met betrouwen aen God onsen Heer
^*Hem behoort alleen den prijs ende eer
Hy is bermhertich ouer zijn ghemeyn
^†Van die hem vreesen van herten reyn
Sal hy zijn ooghen niet afkeeren.

Wy gheloouen in eenen Jesum Christum schoon

^‡Als eenen eenigen geboren Soon
^*Een metten Vader wy belijen
^†Hy was van eeuwighen tijen
^‡Dat ghelijcke Beelt zijns Vaders is hy
Een schijnsel van zijnder heerlijcheyt vry
^*Metten Vader is hy een int wesen
Als de wijsheyt Godts ghepresen
Dit is alleen dat waerachtich woort
^†Daer door de werelt is ghemaeckt, hoort
^‡De Propheten spraken door zijnen Gheest

† Gen. 21, 33

‡ Gene. 1, 1.
Psa. 33, 6.

* Apo. 4, 11 ende 5, 12.

† ps. 134, 16
1. pet. 3, 12.

‡ Joan. 1, 14

* ioan. 10, 30 ende 14, 9.

† Mic. 5, 1

‡ Col. 1, 15

* ioan. 10, 30 ende 14, 9.

† Joan. 1, 3.

‡ 2. pe. 1, 21

[fol. 244r]

 

^*Want inden beginne heeft hy gheweest

 

Seer heerlijck by zijnen Vader.

 

^† Desen soon en heuet gheenen roof geacht

 

Dat hy hadde metten Vader ghelijcke macht

 

Hy is een machtich Heere

 

Dese ginck hem seluen verneren

 

Sijnen Vader die was hy onderdaen

 

Hem seluen heeft hy te buyten ghegaen

 

Op der Aerden is hy ghecomen

 

De ghedaente eens knechts aenghenomen

 

^‡Wy gheloouen dat hy ontfanghen is

 

Al van den Heylighen Gheest ghewis

 

Een reyn Joncfrou heeft hem ontfaen

 

^*Wie mach de reyne gheboorte verstaen

 

^†Dat woort is vleesch gheworden.

 

Dit is onse Salichmaker reyn

 

^‡Die den vrede ghemaket heeft alleyn

 

Tusschen ons en zijnen Vader

 

Hy versoent zijn Ghemeynte te gader

 

^*Door hem coemt ons de Victorie heen

 

^†Des viants hooft heeft hy vertreen

 

^‡Ons ouertredinghe ghedraghen

 

Veel smerten met grooten slaghen

 

^*Onder Pontio Pilato is hy ghedoot

 

Ghecruyst, ghestoruen met lijden groot

 

Al inden graue is hy ghedaen

 

Ten derden daghe weder opghestaen

 

^†Om ons rechtueerdichmaking wille.

 

^‡ Daer na verthoonde hy hem menichmael

 

By zijnen vrienden principael

 

Die ginck hy daghelijcx verblien

 

^*Dat hy also moeste lien

 

Dit heeft hy haer wt den Propheten verhaelt

 

Ende heeft haer met Schriftuer vertaelt

 

Al dat sy noch niet en verstonden

 

Dat verclaerde zijnen Goddelijcken monde

 

Daer na saghen vele Broeders voorwaer

 

^†Dat hy op steech byder Enghelen schaer

 

By zijnen Vader ter rechter hant

* Joan. 1, 1.

† Phil. 2, 6.

‡ Mat. 1, 20
Luce. 1, 31.

* Esa. 53, 11
Act. 8, 32.

† Joan. 1, 14

‡ eph. 2, 13.

* 1. co. 15, 54.

† eph. 2, 15

‡ esa. 53, 8.
1. pet. 2, 24
1. Joan. 3, 5

* mt. 27, 49
mar. 15, 37
Luc. 23, 46
ioan. 19, 30.
Acto. 2, 23

† Ro. 4, 25

‡ mt. 28, 9. ende 17.
1. cor. 15, 5

* luc. 24, 25

† mt. 16, 19
luc. 24, 50
Acto. 1, 9.

[fol. 244v]

 

^‡Niemant en mach nu comen te schant

 

Al die op desen Soon betrouwen.

 

^* Wy gheloouen dat hy weder comen sal

 

Om te rechten de leuende en dooden al

 

Al die om zijnen Naem lijden

 

^†Die sullen haer dan verblijden

 

^‡Dan sullen de goddeloose droeffelijck staen

 

^*Voor den rechter stoel Christi seer belaen

 

Als zijn wtuercoren verheuen

 

^†Sullen een Oordeel helpen gheuen

 

^‡Ghy ghebenedijde verblijt v ghelijck

 

Dan suldy besitten dat eeuwighe Rijck

 

^*Dan salder niet meer trueren zijn

 

Alle veruolch ende sware pijn

 

Sal dan in vruechden verkeeren.

 

^† Wy gheloouen ooc inden heylighen Geest

 

Eenen vertrooster van Christus gemeeten meest

 

Als een Leermeester tot alle stonden

 

Is hy van Christo ghesonden

 

^‡Dese selfde is metten Vader een

 

Ende metten Soon alle drie ghemeen

 

^*Een vercondicher van alle saken

 

Die ons salich moghen maken

 

^†Wy bekennen ooc een heylige kercke groot

 

^‡Besegelt met Christus bloede root

 

Dat welcke is Gods Ghemeente claer

 

Die ghemeynschap der Heylighen eenpaer

 

Dees hebben verghiffenis der sonden.

 

^* Wy verwachten oock een verrijsenis

 

Der dooden, ouer alle menschen ghewis

 

Alle die oyt leuen ontsinghen

 

Sullen vander doot ontspringhen

 

^†De Basoenen sullen blasen met groot geschal

 

Dan sullen wy voort comen al

 

Onsterffelijck, merckt op desen

 

Want wy sullen verwandelt wesen

 

^‡De gerechtige sullen blincken in claren schijn

 

Met sonderlinghe claerheyt fijn

 

^*Dan sullen de Goddeloose truerich staen

‡ Rom. 9, 33
1. Pet. 2, 6

* mt. 25, 31 ende 26, 63.
Acto. 1, 11.

† apo. 7, 9.

‡ Sap. 5, 3

* 2. co. 5, 10

† mat. 19, 28
Luc. 22, 30

‡ mt. 25, 34

* ioan. 16, 20
Apo. 7, 17

† Acto. 2, 3.

‡ 1. Joan. 5, 7

* Joan. 16, 13

† Eph. 5, 27
Col. 1, 22.

‡ act. 20, 28
Ephe. 1, 7.
Col. 1, 14.
1. pet. 1, 19
Heb. 9, 12.
Apoc. 5, 9

* 1. co. 15, 12

† mt. 24, 31
1. cor. 15, 51
1. Tes. 4, 16

‡ dan. 12, 13
Sap. 3, 7.
mat. 13, 43

* Sap. 5, 3

[fol. 245r]

 

De wtuercoren met Christo gaen

 

Int eeuwighe leuen, Amen.

 

^† Een Doopsel bekennen wy in desen tijt

 

In Christus Naem ghebenedijt

 

Tot prijs des Vaders alleyne

 

Metten Heylighen Gheest ghemeyne

 

Den Gheloouighen is dit toegheseyt

 

Tot een bewijs van ghehoorsaemheyt

 

^‡Ende moeten de werelt verlaten

 

^*Om een nieuwe leuen te vaten

 

^†Dat water en maeckt den mensch niet reyn

 

Het versekert de conscientie alleyn

 

Ende treden also int verbont van Godt

 

Gherechtichlijcken na Godes ghebodt

 

^‡Sonder Ghelooue ist alleen sonde.

 

^* Den Ouden Adam moet zijn ghedoot

 

Begrauen met Christo inder noot

 

Om weder te verrijsen

 

Een nieuwe leuen te bewijsen

 

^†Dese penitentie ende ware boet

 

Die eerst voor allen wesen moet

 

Want gheen mensche ten daghe

 

^‡Die sonder Ghelooue Godt behaghe

 

^*So vele daer recht zijn gedoopt bequaem

 

Hebben Christum inden Doop aenghedaen

 

^†Ende hebben Beloften van salicheyt

 

Door tGhelooue so ist haer toegheseyt

 

^‡Merckt hier de Christen Ghemeynte.

 

Tot een recht Auontmael is ons begheert

 

^*So Christus selue heeft gheleert

 

Als hy zijn lichaem ginck schencken

 

Sijnen doot daer by te ghedencken

 

Dat Broot dat wy breken met een ghemoet

 

Is de gemeynschap des lichaems Christi goet

 

Wy vele zijn een Broot crachtich

 

Na den mael wy een Broot zijn deelachtich

 

Den Kelck des Nieuwen Testament

 

In Christus bloede wel bekent

 

Wert zijn Ghemeynte gheschoncken daer

† mat. 28, 19
mar. 16, 16

‡ 1. Joan. 2, 15

* Ro. 6, 4.

† 1. pe. 3, 21.

‡ Ro. 14, 24

* Ro. 6, 6.
Eph. 4, 22
Colo. 3, 8.

† Act. 2, 38.

‡ Heb. 11, 6.

* Ro. 6, 3.
Gal. 3, 27.

† mr. 16, 16

‡ Eph. 5, 27

* mat. 26, 25
mar.14, 22
Luc. 22, 19
1. cor. 11, 22

[fol. 245v]

 

Tot een ghedachtenisse waer

 

Van Christus groote weldaden.

 

Hier mede is mijn belijdinghe gheent

 

Van mijnen ghelooue int corte bekent

 

Dit is de waerheyt puere

 

Na wtwijsen der Schriftuere

 

Elck beproeue hemseluen ghewis

 

^*Want daer maer een ghelooue en is

 

^†Een Fondament van trouwen

 

Daer alle Christen op bouwen

 

Ick bidde alle Broeders wt liefden seer

 

Ende alle Susters inden Heer

 

Dat sy schouwen alle valschen schijn

 

Verkeerde leeringhen ende dat boose fenijn

 

Daer door de siele wert vergheuen.

* Eph. 4, 5.

† 1. cor. 3, 11