Veelderhande liedekens, gemaect uut den Ouden ende Nieuwen Testamente

[Ontwaeckt ghy menschen ouer al]

C Na de wijse: Te Mey als alle de voghelen singen.

ONtwaeckt ghy menschen ouer al
Siet wat v Christus gheuen sal
Rijst wt den slaep der sonden
Op dat wy moghen groot en smal
Vroom Campers zijn beuonden.
^‡ Bekeert v al wt liefden soet
^*En bidt altijt met groot ootmoet
En wilt lanckmoedich wesen
Hoort oock na Christus woorden goet
So wert v siel ghenesen.

Ghy zijt ons troost, ons toeuerlaet

‡ Matt. 3, 2. ende 4, 17.
Mar. 1, 15

* Luc. 18, 1

[fol. 241r]

 

Dus willen wy doen uwen Raet

 

En ons van v niet keeren

 

^*Dat wy niet bekennen te laet

 

Ons dwaesheyt int verseeren.

 

^† Hy roept ons alle groot en cleyn

 

Coemt tot tleuende water reyn

 

Om niet sal ickt v gheuen

 

Ghy zijt versoent door my alleyn

 

Waer voor so wilt ghy beuen.

 

^‡ Van hem coemt alle salicheyt

 

^*Hy is de wech, en de waerheyt

 

Die daer leyt totten leuen

 

Coemt al tot my, so Christus seyt

 

^†Ghy wert ontlast van sneuen.

 

Fondeert v al op Christus woort

 

^‡En wandelt in zijn liefde voort

 

En wilt daer niet af scheyden

 

^*Houdt altijts eendrachtich accoort

 

^†En laet v niet verleyden.

 

^‡ Hy roept ons al tot een lichaem

 

^*Als kinders tot zijn dienst bequaem

 

So Paulus schrijft waerachtich

 

Totten Ephesen vintment staen

 

Sijt dit altijt ghedachtich.

 

^† Een Gheloof, een Doopsel, een Heer

 

Wacht v wel van verkeerde leer

 

Al die daer niet en comen

 

Met Christus woorden ouer een

 

Want Godt salse verdomen.

 

Men moetse schouwen als fenijn

 

^‡Willen wy Christus schapen zijn

 

En hooren zijn stemme crachtich

 

^*Dus volcht hem na, verstaet wel mijn

 

Sijn weghen zijn waerachtich.

 

^† Sijn iock is soet, zijn last is licht

 

Siet dat ghy uwen naesten sticht

 

En wilt Gods woort vermonden

 

Op dat ghy niet en wort verplicht

 

Onder het iock der sonden

* Sapi. 5, 2.

† Esai. 55, 1.
Joan. 7, 37.

‡ Act. 4, 11.

* ioan. 14, 6

† mat. 11, 28

‡ Ephe. 5, 2

* Ro. 12, 16.

† 1. co. 6, 10
2. Tes. 2, 3.

‡ 1. Corin. 12, 27.

* eph. 4, 4.

† Eph. 4, 5.

‡ Joan. 10, 4

* 1. Pet. 2, 21

† mat. 11, 30.

[fol. 241v]

 

Christus heeft ons so seer bemint

 

^‡Meer dan een

 

Alsoomen mach aenschouwen

 

^*Hy verlaet niet, dit wel versint

 

Al die op hem betrouwen.

 

Loeft den Princelijcken Heer ient

 

Die ons de waerheyt maeckt bekent

 

Door zijnen Gheest van bouen

 

Die ons Christus nu heeft ghesent

 

En wilt hem altijt louen.

‡ esa. 49, 15

* Deu. 31, 8.
Josu. 1, 5.
Eccli. 2, 6.
Heb. 13, 5.