Veelderhande liedekens, gemaect uut den Ouden ende Nieuwen Testamente

[O Sion wilt v vergaren]

C Na de wijse: Ick sal v met vruechden openbaren.

O Sion wilt v vergaren
^*Doet blinckende cleederen aen
Verbeyt den Heere der heyrscharen
^†Siet hy sal comen saen
^‡Dat eynde van alder dinghen
In nu ghecomen na by
^*Ontwaect wilt wt den slaep ontspringhen
So maeckt v Christus vry.
^† Hoort ghy zijn stemme heden
En verhert v herte niet
So sy in de woestijne deden
Waerom datse de Heere verliet
Sy en quamen niet in der rusten
^‡Dits gheschreuen tot onsen vermaen
Op dat ons gheen quaet en soude lusten
Alsoot Israel heeft ghedaen.
^* En wilt niet murmureren
Teghen den Heere uwen Godt
En wilt oock Christum niet tempteren
Maer onderdanich wesen zijn ghebot
^†Wy zijn gheworden deelachtich
Christus in des Vaders schoot
Houden wy zijn wesen waerachtich
^‡Volstandich tot in de doot.

Weest dancbaer vroech en spade

^*Doet den bant der liefden aen
^†En versuymt niet de groote ghenade

* Apo. 19, 8

† Apo. 22, 7

‡ 1. pet. 4, 7

* Ro. 13, 11.
Eph. 5, 14

† Heb. 3, 7 ende 4, 7.

‡ 1. cor. 10, 6

* 1. co. 10, 10

† Hebr. 3, 1.

‡ mt. 10, 22 ende 24, 13.

* Col. 3, 14

† 2. cor. 6, 1
Heb. 12, 15

[fol. 230r]

 

Die Christus ons heeft ghedaen

 

^*De werelt sal haer verblijden

 

Ghy sult trueren ende droeuich zijn

 

^†Sy moeten al veruolginge lijden

 

Die in Christum gheloouende zijn.

 

^‡ Broeders wilt wesen lanckmoedich

 

Staet int Ghelooue, ^* bidt ende waeckt

 

Al rasen v vianden verwoedich

 

De toecoemste des Heeren naeckt

 

^‡Siet hy coemt inde wolcken

 

Alle ooghen sullen hem sien

 

Dan sal daer onder alle volcken

 

Groot weenen en huylen gheschien.

 

Nu maeckt een bitter claghen

 

Ghy veruolgers ouer al

 

Wat sult ghy doen in dese daghen

 

Als v Godt besoecken sal

 

Ghy meynt ons te beswaren

 

Maer v straffinghe naecket schier

 

Onsen Godt sal hem openbaren

 

^*Voor hem gaet een verslindende vier.

 

^† Hy sal zijn vianden legghen

 

Tot zijnder voeten banck

 

Dan sullen de Gherechtighe segghen

 

Dit is den man diet al bedwanck

 

^‡Dan sullen de Rechtueerdighe fijn

 

In grooter volstandicheyt staen

 

Teghen die daer ongherechtich zijn

 

En haer druck aen hebben ghedaen.

 

^* Dan sullen de quade suchten

 

Groot beclaghen sal daer gheschien

 

Dit zijnse die wy deden vluchten

 

Ende nu in glorien sien

 

Och wy ontsinnighe dwasen

 

Hebben ghemist den rechten padt

 

Wy seyden, dese lieden rasen

 

Maer sy hebbent recht voor ghehadt.

 

Dus sal haer den moet ontsincken

 

Als sy sullen sien der sonden loon

* 1. Joan. 16, 20.

† esa. 59, 15
2. Ti. 3, 12.

‡ Jac. 5, 7.

* mt. 26, 40

‡ Apo. 1, 7.

* Deu. 4, 24 ende 9, 3.
heb. 12, 29.

† psa. 10, 1.
mat. 22, 41
Act. 2, 35.
1. co. 15, 25
Heb. 1, 13. ende 10, 13.

‡ Sap. 5, 1

* Sap. 5, 3

[fol. 230v]

 

^*Maer de Gherechtige die sullen blincken

 

Ghelijck de Son in haers Vaders Throon

 

O ghy verstroeyde Israelijten

 

Weest vrymoedich tot inden ent

 

^†Al wil v dat Beest verbijten

 

Vwe Godt is een eeuwich Regent.

 

Hy salse rechten allegader

 

^‡Als Christus v Bruydegom seyt

 

Coemt beminde van mijnen Vader

 

Dat Rijcke dat is v bereyt

 

Maer totter slincker sijde

 

Sal hy spreken met wreeden moet

 

Gaet van my ghy vermaledijde

 

In de eeuwighe Helsche gloet.

 

Siet daer worden sy al verdreuen

 

Die ter werelt waren seer groot

 

^*Maer doprechte sullen eeuwich leuen

 

Want sy lijden ter werelt noot

 

Na der goddelooser ghedachten

 

Sullen sy haer Oordeel ontfaen

 

^†Die den Rechtueerdighen verachten

 

En zijn vanden Heere wech gegaen.

 

O Heer wilt v niet van ons keeren

 

Merckt ons lijden om uwen Naem

 

O Christe, weert al ons verseeren

 

Maeckt ons door uwen wil bequaem

 

O Vader Godt ende Heere

 

O Princelijcke Maiesteyt

 

^‡V sy alleen lof, prijs en eere

 

Van nu tot inder eeuwicheyt.

* mat. 13, 43

† apo. 12, 20

‡ mat. 25, 24

* Psa. 125, 1
Sap. 5, 16

† Sap. 3, 4

‡ Jude 25.
Apo. 7, 12 ende 19, 1.