Veelderhande liedekens, gemaect uut den Ouden ende Nieuwen Testamente

[Mijn siele mach gheen troost ontfaen]

C Na de wijse: Waer Godt niet met ons in deser tijt.

MIjn siele mach gheen troost ontfaen
Ick sie de werelt dolen
Daer toe Gods woorden seer versmaen
^†Sijn kinders vlien in holen
^‡De eene wort gheslaghen doot
De ander leeft in lijues noot
De derde wort verdreuen.
^* Tgaet recht alsser gheschreuen staet
By vele Gods Propheten
Doen Israel veruolcht, versmaet
Ghedoot was en verbeten
Haer bloet en heeft niemant versaet
Sy soecken altijt nieuwen raet
Gods kinders te vernielen.
^† Waer Amos nu in deser tijt
Tot Bethel moest hy blijuen
Waer ^‡ Elias in dit ghecrijt
Men soude hem ontlijuen
Door Balaams Priesters en meer
Gheen ghenaey is by eenich Heer
Elias moeste steruen.
^* Met asch heeft Daniel belet

† Heb. 11, 38

‡ Gen. 4, 8

* Exo. 1, 10*
4. re. 21, 16.
1. ma. 1, 33*
3. mac. 93*
heb. 11, 36*

† Amo. 7, 13

‡ 3. reg. 19, 2

* Bel 13

[fol. 212v]

 

De Priesters Bel te eeren

 

Nu mach Gods woort noch Godes Wet

 

De werelt niet afkeeren

 

Doen adt Bel by nacht, nu by dach

 

Dat Gods woort sulcx niet letten mach

 

Dat doet de Christen weenen.

 

^* Hierusalem, Hierusalem

 

Waerom raet ghy te doyen

 

^†Een kint seer cleyn in Bethlehem

 

Ghy moghet niet wtroyen

 

Dat maeckt Herodem seer verstoort

 

Hy doet noch menich wreede moort

 

^‡Dat bloet claecht inden Hemel.

 

Herodes wilt dit recht verstaen

 

En latet v ontfermen

 

^*Dat kint soeckt hier gheen rijck tontfaen

 

^†Maer troept cleynen en armen

 

Sijn dienaers zijn oock so ghestelt

 

Sy soecken gheen schat noch ghewelt

 

Dus laet Gods kinders leuen.

 

Achab Coninck van Israel

 

Hoe isset hem verganghen

 

^‡Een raet gaf zijn wijf Jesabel

 

Dat Naboth wort gheuanghen

 

En onschuldich ter doot ghestient

 

Sijn Acker heeft Achab ghedient

 

Daerom moest Naboth steruen.

 

^* Waer is Pharao wreet en fel

 

^†En Antiochus ghebleuen

 

Nero den wreeden Keyser snel

 

^‡Herodes daer beneuen

 

Sy hebben noch veel Broeders meer

 

Die strijden teghen Themelsch heyr

 

Waeckt op Princen wilt mercken.

 

O siel nu laet v schreyen staen

 

De blinden willen dolen

 

Ghy hebt van Godt een gaef ontfaen

 

Die leert bouen de Scholen

 

Godt Vader, Soon en heylich Gheest

* mat. 23, 36

† Mat. 2, 16

‡ Gen. 4, 10
4. esd. 15, 8

* ioan. 18, 36.

† mt. 11, 28

‡ 3. reg. 21, 8

* exo. 14, 28

† 2. Mach. 9, 28.

‡ Act. 12, 23

[fol. 213r]

 

Sy lof, prijs in sHemels Foreest

 

Nu singt ghy Christen, Amen.