Veelderhande liedekens, gemaect uut den Ouden ende Nieuwen Testamente

[Loeft den Vader hier in dit leuen]

C Na de wijse: Laet ons den Lantman louen.

LOeft den Vader hier in dit leuen
Sijnen Sone ghebenedijt
^†Die hy ons heeft ghegheuen
Wy moghen wel zijn verblijt
^‡Wy waren door Adam verloren
Al weerdich tHelsche gloet
^*Maer Christus is ons gheboren
Hy verworf ons deeuwich goet
Want hy de sonde wech doet.
^† Christus heeft de sonden ghedraghen
Den Vader daer voor voldaen
Voor ons is hy gheslaghen
Na Esaias vermaen
Sijn lichaem is ghebroken
En storte voor ons zijn bloet
In hem so is beloken
Des Vaders euelen moet
Want hy de sonde wech doet.
^‡ De ghesonde niet en behoeuen
Der sielen Medecijn
Die in haer misdaet bedroeuen
^*Dien giet hy olie en wijn
In haer stinckende wonden
Door zijn bermherticheyt soet
Als Samaritaen ghesonden
Voor ons sondich ghebroet
Want hy de sonde wech doet.
^† Doot // Helle is verslonden
Van Christus alleen, dat waer

† Esai. 9, 5.

‡ 4. es. 7, 48
Rom. 5, 12

* Luc. 2, 7.

† Esa. 53, 7.
Mat. 8, 17
1. pet. 2, 24

‡ Mat. 9, 12
Mar. 2, 17
Luc. 5, 31.

* luc. 16, 34

† esa. 25, 8.
Ose. 13, 14
1. co. 15, 54

[fol. 197v]

 

Den Duyuel heeft hy ghebonden

 

Glorieus ^* verrees hy claer

 

De Prophecien doen veruulden

 

Wie anders leert, raest oft woet

 

^†Hy nam op hem ons schulden

 

Sijn gracie oueruloet

 

Want hy de sonde wech doet.

 

^‡ Alle menschen zijn lueghenachtich

 

Dus hout v aen Christum alleen

 

^*Hy is sVaders woort waerachtich

 

En betrout op anders gheen

 

So wie v tot anderen wijsen

 

En stelt daer niet eenen voet

 

^†Daer en can gheen salicheyt rijsen

 

Dan Christum, dien loeft en groet

 

Want hy de sonde wech doet.

 

Wat sullen wy den Prince schincken?

 

Voor alle zijn bitter leet

 

Ons beste wercken voor Godt blincken

 

^‡Als een maentsieck vrouwen cleet

 

Onnut, en can niet stelpen

 

Ter salicheyt, weest dies vroet

 

Maer Christus is reedt om helpen

 

Ghelooft hem ghy crijght voorspoet

 

Dat hy de sonde wech doet.

 

Schenct hem een suyuer ootmoedich herte

 

Met een vast ghelooue recht

 

^*Want hy droech ons smerte

 

En was onser alder knecht

 

Dus wilt hem wt liefden vreesen

 

^†Deylt den behoeuenden van v goet

 

^‡Helpt altijts weduwen en weesen

 

Draecht voorts op Christum moet

 

Dat hy de sonde wech doet.

* mat. 28, 6.

† Esa. 53, 7.
mat. 8, 17.
1. pet. 2, 24

‡ ps. 116, 11
Rom. 3, 4

* Joan. 1, 1 ende 14.

† Act. 4, 12.

‡ esa. 64, 19

* Esa. 53, 7.
mat. 8, 17.
1. pet. 2, 24

† Tob. 4, 5 ende 14, 12.
eccli. 14, 7

‡ deu. 10, 18
Esai. 1, 17.
4. esd. 2, 20