Veelderhande liedekens, gemaect uut den Ouden ende Nieuwen Testamente

[Ick hoore de Basuyne blasen]

C Na de wijse: Na Oostlant wil ick varen.

ICk hoore de Basuyne blasen
Seer verre hoor ick tgheschal
In Jerusalem in Edom basen
De boden roepen ouer al
Haer gheluyt gaet in mijn versinnen
Maeckt v ter Bruyloft ghereet
Al die den Coninck beminnen
De Poorte is open gaet binnen
^†Verchiert v, doet aen v Bruylofts cleet.

O Sion van Godt wtghelesen

† mat. 22, 11.

[fol. 161r]

 

Hebt ghy haer stemme niet ghehoort

 

En wilt doch niet onhoorich wesen

 

Maer ontfanghet des Heeren woort

 

Ghy hebt ghenade vercreghen

 

Neemt waer, het wort v gheseyt

 

Ras maeckt v op de weghen

 

^†Eer ghy met Babilon wort versleghen

 

Haest v seere, niet en verbeyt.

 

^‡ Dat teecken Thau is v ghegheuen

 

Dat Ezechiel int neghenste staet

 

^*Des Heeren knechten worden beschreuen

 

Die volbrenghen des Heeren Raet

 

O Sion besluyt v verclaerden

 

^†V ghetal is schier veruult

 

^‡Van die haer leuen niet en spaerden

 

^*Ghecocht zijnse vander Aerden

 

Tlam heeft betaelt voor haer de schult.

 

^† O Thoren Eder vercoren

 

V Vergulden Roose coemt nu met macht

 

Wilt nu v hooft op boren

 

Dat ghy des Heeren toecoemst verwacht

 

Wat wilt ghy een ander aenhanghen?

 

Oft ghy den Coninck niet crijghen en sout

 

^‡Dat wee heeft v beuanghen

 

Hierom is v also banghe

 

Als een Vrou in baren menichfout.

 

^* Staet op Sion wapent v leden

 

Maeckt v totten strijde bereet

 

^†Ghy moet den enghen wech in treden

 

Maer eens menschen voetstap breet

 

Ten inganck leyt int verneren

 

Daer ghy v erfdeel sult ontfaen

 

En vreest niet al sydy teere

 

^‡Voor den Arent met zijnen veeren

 

Hy sal v met zijne clauwen slaen.

 

^* De Draeck is comen opter Aerde

 

En is beuanghen met grooten nijt

 

Want de Vrouwe diet Manneken baerde

 

Is hem ontnomen, dus maeckt hy strijt

† apo. 18, 10

‡ Eze. 9, 4.

* Apo. 7, 3.

† 4. es. 2, 40

‡ apo. 12, 16

* apo. 6, 4 ende 14, 9.

† ge. 35, 21.
mich. 4, 8

‡ Esa. 26, 17
mich. 4, 9

* mic. 4, 13.

† 4. es. 7, 7.
mat. 7, 13.
Luc. 13, 22

‡ 4. es. 11, *.

* Apo. 12, 8

[fol. 161v]

 

Om teghen haer zaet te vechten

 

Sijn goets moets en twijfelt niet

 

Onse Leytsman coemt schier om rechten

 

^‡Ordeel houden met zijne knechten

 

Hy salse verlossen wt alle verdriet.

 

^* O waeckers op Sions tooren

 

My dunckt dat sweert is nu bereyt

 

Laet v Basuyne noch eens hooren

 

Oft in Sion yemant in ruste leyt

 

Dat sy moghen ontwaken

 

^†Van haren slaep opstaen

 

Dat sy haer onschult niet en maken

 

Als de Heere sal comen ter wraken

 

Hy sal de wederspannighe slaen.

 

O boosen aert ghy en wilt niet hooren

 

Ghy maect v onschult alle ghelijck

 

^‡De wachters segghent v wel te vooren

 

V naeckt de doot seer iammerlijck

 

Den vrede Godts spreeckt ghy in cluyten

 

Maer tbloet coemt op v hooft

 

De Poortier begint te sluyten

 

Ende ghy sult blijuen daer buyten

 

Want ghy de waerheyt niet en ghelooft.

 

O moordich zaet wat gaet ghy maken?

 

^*Gheslacht van Cain, ghy brengt ter doot

 

Des Heeren Schaepkens sonder saken

 

^†Twort dobbel betaelt in uwen schoot

 

^‡De doot coemt nu te peerde

 

Wy hebben v eynde ghesien

 

Dat sweert gaet ouer de eerde

 

Daer ghy mede ghedoot sult werden

 

De Helle en suldy niet ontulien.

 

^* De tijt is hier na om te maeyen

 

^†De boosheyt heeft de ouerhant

 

Daer en is schier gheen plaetse om saeyen

 

^‡Dat oncruyt veruult het Lant

 

De Somer is schier gheleden

 

Ick hoor der Trompetten ghepijp

 

De spotters verachten den vrede

‡ Jude 14.

* Esa. 52, 8. ende 62, 6.

† Eph. 5, 14

‡ Eze. 33, 3.

* Gen. 4, 8.

† Apo. 18, 6

‡ apo. 6, 8.

* apo. 14, 15

† 4. es. 5, 2
mat. 24, 12

‡ mt. 13, 25

[fol. 162r]

 

Tis tijt de persse te treden

 

^*Slaet aen v seyssen den oogst is rijp.

 

Godt sal de voghels een maeltijt bereyden

 

Te Bosra in Edom also ick las

 

^†Van tvleesch der Coningen en Princen beyde

 

Haest v ghy Voghelen, versaet v ras

 

Wilt v van des lantsHeeren vleesch voeden

 

So sy deden, wort haer ghedaen

 

Ghy knechten des Heeren zijt vroom van moede

 

De Vogels werden versaet van haren bloede

 

Dit loon sullen onse roouers ontfaen.

 

^‡ Verblijt v nu, en weest in vruechden

 

En speelt op Herpen een nieuwe liet

 

Wilt v in onsen Godt verhueghen

 

Ghy alle die dese wrake siet

 

De Heere coemt om te betalen

 

Te wreken ons alder bloet

 

Sijn gramschap begint te dalen

 

^*Wy verwachten de laetste schalen

 

^†O ghy bruyt gaet uwen bruydegom te gemoet.

 

^‡ Staet op Jerusalem, wilt v bereyden

 

^*Ontfangt v trouwe, aenschout v Rijck

 

Wilt v Tenten wijt wt breyden

 

Ontfangt v kinderen alle ghelijck

 

Vwen Coninck coemt, om v te beurijden

 

^†Sijnen loon brengt hy voor hem pleyn

 

^‡Hy sal hem, in v verblijden

 

Loeft hem dies teeuwighen tijden

 

Verblijt v Sion met Jerusalem reyn.

* Johe. 3, 13
apo. 14, 15

† apo. 19, 17

‡ apo. 18, 20

* Apo. 15, * ende 16, *.

† mat. 25, 6

‡ esa. 52, 1.

* esa. 54, 2

† Esa. 62, 1.

‡ sap. 3, 17.