Veelderhande liedekens, gemaect uut den Ouden ende Nieuwen Testamente

[Hoort mensche boos van natuer]

C Na de wijse: O bloeyende iuecht Notabel wijs van sinnen.

HOort ^† mensche boos van natuer
Wilt niet langher rebelleren
^‡Bekeert v nu tot deser huer
En wilt den doot niet langher begheren
Och my verwondert so seer
^*Dat ghy den ghenadighen Heer
Dus van v gaet verdrijuen
Want ghy bemint de doot veel meer
^†Dan tleuen, twelck is Godes leer
En die ons sonden can wtwrijuen.

Eylaes nu veracht ghy Godts woort

^‡En wilt zijn stem niet hooren
Ghy verlaet zijn lieflijck rappoort
Wee v ghy ^* sotten en dooren
Want ^† alleen om taertsche goet
So lastert ghy Gods woorden soet
Ende wilt zijn ^‡ cruys niet draghen
Maer liet hy v wil hier hebben coen
En alle v quade wellusten doen
Dat sou twoort Godts v wel behaghen.

Ick merck nu, hoort mijn vermaen

Godt laet ^* zijn laetste bruyloft wtroepen
Wilt nu volstandich staen

† Gen. 6, *.

‡ Eze. 18, 21

* psa. 103, *.

† Joan. 3, 16.
Col. 2, 14.

‡ Joan. 8, 47

* mat. 25, 8.

† 2. pe. 2, 15

‡ 2. Cor. 1, 6

* mat. 23, 9.

[fol. 135r]

 

Niet ^* manck aen beyde zijden loopen

 

O ^† ghy cruysvluchtighe, siet

 

Ghy die crancker zijt dan een broos riet

 

Wat ^‡ gady met v vlees te raden

 

V dunckt twaer v te groot verdriet

 

Dat v verachtinge om Gods woort geschiet

 

Dus verstoot ghy Gods weldaden.

 

Leest toch in des Heeren boeck

 

Oft ghy ^* sonder cruys moecht wesen

 

Dan sult ghy sien doort ondersoeck

 

Dat ghy seer dwaelt in desen

 

Och troost v niet met ydelheyt

 

Maer ghelooft dat Godt alleene seyt

 

So suldy wesen zijn wtuercoren

 

^†Godt en wil gheen offerhande hebben bereyt

 

^‡Maer wil alleen ghehoorsaemheyt

 

Dat seyt hy ons al te voren.

 

Tis langhe ghenoech ghedwaelt

 

^*Wilt v lampen nu bereyden

 

Siet dat ghy niet door vrees en faelt

 

Maer wilt v Bruydegom verbeyden

 

^†Die zijn cruys hier niet wil draghen ient

 

Die moetet draghen met torment

 

Ick segt v oock ongheloghen

 

Dus siet dat ghy Gods wille bekent

 

V aensicht daer niet langher van en went

 

Oft ghy sult zijn bedroghen.

 

Ghelooft doch niet die v seyt

 

^‡Datmen Godt sonder cruys mach behagen

 

Want dat woort van Gods maiesteyt

 

Moet ghy met uwen bloede waghen

 

Want dat Lichaem en is niet beter siet

 

^*Dan Christus tHooft, hoort mijn bediet

 

^†Die door verdriet zijn Rijc moest in winnen

 

Och wilt betrouwen ^‡ op lueghenen niet

 

Want die haer metten vlees beraden yet

 

Sulcke hebben nues wijse sinnen.

 

^* En laet v niet verleyden toch

 

Van vleeschelijcke herten

* 3. re. 18, 21.

† 1. co. 1, 21

‡ Gal. 1, 16.

* Mat. 5, 11. ende 16, 24.
Joan. 15, 20
2. tim. 3, 12

† Psa. 51, 18
Esai. 1, 11.
Amo. 5, 22
mich. 6, 7.
mat. 9, 13. ende 12, 7.

‡ 1. re. 15, 22

* mat. 25, 7

† mt. 10, 38 ende 16, 24.
mar. 8, 34
Luc. 9, 23. ende 14, 27.

‡ mt. 16, 24
Luc. 9, 23.

* eph. 1, 22 ende 4, 15. ende 5, 23.
Colo. 1, 18

† luc. 24, 25

‡ Jer. 7, 8.

* ro. 16, 17
Eph. 5, 6.
Col. 2, 18.
1. Pet. 4, 1

[fol. 135v]

 

Voorwaer tis niet dan ^‡ Antechrist bedroch

 

Daer sy u mede versmerten

 

Siet dat ghy de ^* rechte liefde ontsluyt

 

Want die drijft alle vreese vuyt

 

Ende doet dat cruys beminnen

 

^†Sonder liefde en macht niet zijn beduyt

 

Door liefde ist een rechte Bruyt

 

Alle die Godts woort bekinnen.

 

Neemt dit in v ghedachten fijn

 

Want selfs seyt Christus de Heere

 

Dat ghy om zijnen Name sult zijn

 

^‡Ghehaet van de menschen seere

 

Ist dat ghy nu Babels tempel begheert

 

So wort ghy niet ghehaet, maer gheeert

 

Och wilt v siel niet verraden

 

Want wie hem alleen tot Godt bekeert

 

Die wort ^* ghenoech met spijse vermeert

 

En hy sal v wel versaden.

‡ 1. ioan. 2, 18

* 1. ioan. 4, 18

† 1. cor. 13, 2.

‡ mat. 10, 22
mar. 13, 13

* mat. 6, 26. ende 33.