Veelderhande liedekens, gemaect uut den Ouden ende Nieuwen Testamente

[Godt is een Godt der goden]

C Na de wijse: Wilhelmus van Nassouwe.

^*GOdt is een Godt der goden
Hoort menschen cleyn en groot
^†Hy ghebiet ons zijn gheboden
Te houden ^‡ tot in den doot
Hy is een Prince des leuen
^*Een Vorst ouer Sion teer
Looft desen ^† Coninck verheuen
^‡En gheeft hem prijs en eer.
^* Den Heere wil ick vreesen
Wt liefden, en gheen bedwanck
En hem ghehoorsaem wesen
^†Te dienen mijn leuen lanck
^‡Daerom Heer neycht v ooghen
Op v cranck instrument
Wt uwen heylighen throone
V Gheest doch in my sent.

Lijdt v mijn wtuercoren

Al wort ghy hier benout
^*Ick sal v wel verhooren
So ghy mijn woort onderhout
Ick en sal v niet begheven.

* Deuter. 10, 17.
psal. 136, 2
dan. 2, 47 ende 12, 1.

† deu. 10, 12
Josu. 22, 5
mat. 22, 36
mar. 12, 30

‡ apo. 2, 10

* Esa. 9, 5
Act. 3, 15. ende 5, 32.

† 1. ti. 6, 15.
apo. 17, 14 ende 19, 16.1

‡ apo. 4, 11 ende 5, 12.

* deu. 10, 12
Jere. 10, 7
apo. 15, 4.

† luc. 1, 70

‡ ps. 34, 16.
1. pet. 3, 12.

* ps. 10, 17 ende 22, 25. ende 34, 7.

[fol. 111v]

 

^†Al verliet een moeder tkint

 

Waer voor so wilt ghy beuen

 

Als ghy ghenade vint.

 

^‡ Hier op so wil ick waghen

 

Mijn lijf en alle mijn goet

 

^*Dat cruyce wil ick draghen

 

En dwinghen mijn vleesch tot boet

 

^†Abel is doot ghebleuen

 

Door Cains nijdighen slach

 

^‡Tveruolch heeft hem verheuen

 

Tot inden laetsten dach.

 

^* Mijn schilt zijt ghy O Heere

 

Mijn wapen onueruaert

 

^†Wie sal my moghen deeren

 

Als ghy my Heere bewaert

 

Dat mijn vianden oock saghen

 

Als Leeuwen aen elcken cant

 

So en mach ick niet vertraghen

 

O Godt doet my bystant.

 

Truert niet ghy Christen schapen

 

^‡Al wort ghy hier benijt

 

Ghy Herders wilt niet slapen

 

My dunckt het is nu den tijt

 

^*Weest vromelijck op de wachte

 

En bewaert v schaepkens wel

 

Al voor dit erch gheslachte

 

Want sy zijn seer rebel.

 

^† Simei Dauid vloeckte

 

En wierp hem met een steen

 

Maer Dauid hem vercloeckte

 

Ende loofde Godt alleen

 

^‡Abisai wilde dit wreecken

 

Maer Dauid sprack, misschien

 

Godt heuet hem gheheeten

 

Hy wil mijn ellende aensien.

 

^* Men sach veel Joden trueren

 

Dat dede Haman quaet

 

Hy meyndese te verschueren

 

Door zijnen valschen raet

† esa. 49, 15

‡ mat. 19, 27
mar. 10, 28
Luc. 18, 28

* mt. 10, 38
mar. 8, 34
Luc. 9, 23.

† Ge. 4, 8.

‡ mt. 10, 13
Luc. 21, 11
2. tim. 3, 12

* psal. 7, 11 ende 18, 3.

† ps. 118, 6

‡ mat. 10, 22
mar. 13, 13.
Luc. 21, 16

* esec. 33, 3.

† 2. reg. 16, 9

‡ 2. reg. 16, 9

* 1. hest. 4, *

[fol. 112r]

 

Maer sy hebben ghenaed ontfanghen

 

De Tyran creech selfs zijn loon

 

^†De Coninck deed hem hanghen

 

Aen een so hooghen boom.

 

^‡Joseph door groot benijden

 

Wort van zijn broeders vercocht

 

Tgheschiede na dien tijden

 

^*Sy hebben hem besocht

 

Sy hadden ghebreck aen Coren

 

En toghen na Egipten lant

 

Joseph wist dat wel te voren

 

Hy spijsde noch zijn viant.

 

Neemt nu een exempel mede

 

Aen Christum onsen Heer

 

^†Die hem versmaetheyt dede

 

Die en dreychde hy niet weer

 

Maer hy heeft daer voor ghebeden

 

Ende sprack tot haer versoen

 

^‡Vader vergheeft haer ouertreden

 

Sy en weten niet wat sy doen.

† 1. hest. 7, 10

‡ Ge. 37, 4.

* Ge. 42, 6

† 1. Pe. 2, 23

‡ Luc. 23, 33