Veelderhande liedekens, gemaect uut den Ouden ende Nieuwen Testamente

[Ghy roemende wijse, wat hebt ghy doch]

C Na de wijse: Cest vngne dure partie.

GHy roemende wijse, wat hebt ghy doch
Dat niet ontfangen is vant godlijc graen?
En ist ontfangen, wat beroemt ghy noch
Ghelijck oft ghy dat niet en hadt ontfaen
Laet sulck ydel beroemen staen
Ghedaen moet God lof wesen
Die van alle wijsheyt alleen dient ghepresen
By desen, wie roemt soot Godt best greyt
En loon verbeyt
Die sal hem roemen zijnder swacheyt.
^* Idel zijn der wijsen ghedachten al
Gheen menschen en dient dies ghegheuen prijs
Want ^† God (van wien elc loon verwachten sal)
Begrijpt de wijse in haer cloeck aduijs
^‡Wee dan die zijn by haer seluen wijs
Houdende haer voor verstandich
Want de wijsheyt der wijsen sal Godt maken schandich
En tverstant der verstandigen al
Groot ende smal
Als ydelheyt hy verwerpen sal.
^*Waer zijn de wijse schriftgheleerde vroet
Waer zijn sWerelts ondersoeckers naect?
En heeft God nz (^† voor wient al buygen moet)
De wijsheyt des Werelts sot ghemaect?
Niemant wt hem seluen wijsheyt smaect
Slaet dies van v tberommen
^‡Want alle perfecte gauen van bouen commen
Wie leeft, die heeft des wijsheyts lot
Verstaet dit slot
Swerelts wijsheyt, ^* is sotheyt voor Godt.
^† Nae dat de Werelt in haer wijsheyt hier
Godt in zijn wijsheyt, niet heeft bekent
So beliefdet Godt na zijn wijs bestier
Te schencken salicheyt excellent
Door sotte Predicatie ient

* esa. 29, 27
Abdi. 1, 8.
1. cor. 1, 17.

† iob 34, 11.
psal. 62, 13
Jer. 17, 10.
mat. 16, 27
Rom. 2, 6. ende 14, 12.
1. Cor. 3, 8
2. cor. 5, 10.
Gala. 6, 5.
Apo. 1, 33. ende 22, 13.

‡ Esa. 5, 21
Ro. 12, 17
1. cor. 1, 17.

* esa. 29, 17
1. cor. 1, 17.

† esa. 45, 23
Ro. 14, 11
Phil. 2, 10

‡ Pro. 2, 6
Jaco. 1, 17

* esa. 29, 17
Abdi. 1, 8.

† mt. 11, 25
Luc. 10, 21
1. cor. 1, 19

[fol. 103r]

 

Al die daer aen gheloouen

 

Want de ^‡ Joden die eysschen teeckens van bouen

 

Maer Griecken coen, in elck saysoen

 

Nae haer beuroen

 

Soecken des wijsheyts opinioen.

 

Maer ^* den ghecruysten Christum preken wy

 

Den ^† Joden een arghernisse groot

 

Den Griecken een sotheyt, maer ver en by

 

Gheroepen Joden en Griecken minioot

 

Preken wy Christum openbaer bloot

 

Gods macht ende wijshede

 

Want Gods sotheyt is bouen tsmenschen wijse zede

 

Oock mede Gods swacheyt deuijn

 

In elck termijn

 

Is veel stercker dan de menschen zijn.

 

Aensiet dijn roep lieue broeders vermaert

 

Niet ^‡ veel wijse na den vleessche expeert

 

Niet veel machtige, noch van edel aert

 

En zijnder gheroepen noch begheert

 

Maer dat ter Werelt sot is, en onweert

 

Verkiest Godt na tbetamen

 

Op dat hy alle de wijse soude beschamen

 

Op de crancke in sWerelts perck

 

Neemt Godt oock merk

 

Om beschamen alle die zijn sterck.

 

^* De onedele ter Werelt versmaet

 

En datter is wt hem seluen niet

 

Heeft Godt vercoren door zijn wijsen Raet

 

Om te niet te doen, dat wil zijn yet

 

Op dat gheen vleesch na Paulus bediet

 

Voor hem roeme voorspoedich

 

Maer die ontfaen heeft van Gods gauen oueruloedich

 

Ootmoedig te zijn eenpaer

 

Dient hy voorwaer

 

Danckende Godt van zijn gaue eerbaer.

 

Princelijcke Broeders ^† ommegekeert

 

V declineert, altijts soot behoort

 

Want ^‡ Christus Jesus thooft gheexalteert

 

Is ons ghemaect van tgodlijck accoort

‡ mat. 12, 38 ende 16, 1.
mar. 8, 11.
Luc. 11, 29
Joan. 6, 30.

* 1. cor. 1, 21

† Joan, 6, 60, ende 66.

‡ 1. cor. 1, 24
Jaco. 2, 5.

* 1. cor. 1, 27.

† 1. co. 6, 11
Ephe. 2, 2.

‡ 1. cor. 11, 2
Eph. 4, 15 ende 5, 23.
Col. 1, 18

[fol. 103v]

 

Tot wijsheyt, gherechticheyt ende voort

 

Tot heylicheyt verheuen

 

Op ^† dat gelijc als daer staet naectelijc geschreuen

 

Wie hem beroemt, in swerelts pleyn

 

Voor groot oft cleyn

 

Sal hem beroemen vanden Heere alleyn.

† Esa. 65, 15
Jere. 9, 23.
1. cor. 1, 30.
2. cor. 11, 1.