Veelderhande liedekens, gemaect uut den Ouden ende Nieuwen Testamente

[Een goet nieu liet heb ick bedacht]

C Nae de wijse: Het Jaer is langher dan den dach.

EEn goet nieu liet heb ick bedacht
O Broeders altesamen
Dat laet ons singhen met eendracht
Tot prijs van Godes Name.

Als wy nv byden ander zijn

Vergadert inden Heere
Soo isset schier den tijt, hoort mijn
Dat wy nv scheyden weere.

[fol. 63r]

 

Och het scheyden en is gheen noot

 

Al moeten wy ^* verstroyen

 

Als wy hier namaels werden groot

 

^†Versaemt in eender Coyen.

 

De ^‡ Heere sal zijn Schaepkens fijn

 

^*Vergaderen seer blijde

 

Van alle hoecken waer sy zijn

 

^†Coemt ghy ghebenedijde.

 

Och ^‡ wat een liefde is ons verthoont

 

Wilt dit ghedachtich werden

 

Siet hoe wy sullen zijn ^* ghecroont

 

Ist dat wy hier volherden.

 

Hierom ^† so laet ons houden vast

 

Aen zijn beloften schoone

 

Op dat wy niet worden verrast

 

^‡Verliesen onse Croone.

 

^* Niemant en wort ghecroont, aenhoort

 

Ten sy dat sy verwinnen

 

En setten in des ^† Heeren woort

 

Nacht ende dach haer sinnen.

 

^‡ Ons is betrout alsulcken schat

 

Al in ons aerden vaten

 

Laet ons ^* ghetrou bewaren dat

 

^†Ons leuen daer voor laten.

 

Al ist dat wy een cleyne tijt

 

^‡Als Pelgrims moeten sweruen

 

Met vruechden laet ons zijn verblijt

 

^*Verlanghen na ons eruen.

 

^† Christi zijn wy deelachtich soet

 

Och vriendekens vol trouwen

 

So wy tbegin zijns wesens goet

 

Tot int eynde behouwen.

 

^‡ Ist dat wijt nu al inden gheest

 

Aldus hebben begonnen

 

Laet ons niet van tghecroonde Beest

 

Wederom zijn verwonnen.

 

Laet ons malcander int ghebet

 

Altijt ghedachtich wesen

 

En laet ons met een vast opset.

* 1. Pet. 1, 1.

† mt. 25, 32
Joan. 10, 17

‡ mt. 25, 32

* mt. 24, 31

† Mat. 25, 34.

‡ 1. ioan. 3, 1.

* 4. es. 2, 43
2. tim. 4, 8
Apo. 2, 10

† heb. 10, 23
2. Pet. 3, 2

‡ 2. ioan. 1, 8

* 2. tim. 2, 5
Apo. 2, 10

† Jos. 1, 8.
Psal. 1, 2.

‡ mat. 13, 11
2. cor. 4, 7

* apo. 2, 10

† luc. 9, 24.

‡ 2. cor. 5, 6.
1. pet. 2, 11.

* 2. cor. 5, 2

† heb. 3, 14.

‡ Gala. 5, 3.

[fol. 63v]

 

Den Heer van herten vreesen.

 

O Broeders ende Susters mijn

 

^*Laet ons altijt verneren

 

Op dat wy met malcander fijn

 

Eeuwelijck triumpheren.

* 1. Pet. 5, 6