Veelderhande liedekens, gemaect uut den Ouden ende Nieuwen Testamente
(1582)–Anoniem Veelderhande liedekens–
Auteursrechtvrij
[Folio 60r]
| |
EN Ga naar margenoot* oordeelt niet menschen vercoren
Op dat ghy niet gheoordeelt en zijt
Maer volcht de leere, oft ghy gaet verloren
Van Iesus Christus ghebenedijt.
Ga naar margenoot†Sulck een oordeel sal v gheschieden
Ghlijc als ghy uwen broeder doet
Met sulcke maet als ghy meet ander lieden
Wert ghy ghemeten zijt dies wel vroet.
Hoe dorst ghy uwen broeder beghecken
Segghende: laet my v splinter wt doen
End en wilt uwen balck niet wt trecken
Willens en wilt ghy niet gheuroen.
De balck die ghy eerst moet weeren
Die benemet v tghesichte claer
Hy doet v siel ende lijf verteeren
Want Ga naar margenoot‡ siende zijt ghy blint voorwaer.
Ga naar margenoot* Het oordeel is den Heere ghegheuen
Elck salt hem laten, wil hy zijn wijs
En prijsen, dancken, louen Godt verheuen
Vermaen elck tot duechden met aduijs.
Ga naar margenoot† Weet dat so wie een ander wil leeren
Ende dat hy leert, selue niet en doet
Comen sal in druck en swaer verseeren
Also ons de Schrift wel maket vroet.
Want die daer seyt Ga naar margenoot‡ ghy en sult niet stelen
Maer selue beuonden is als een dief
Dare af en wil ons Paulus niet helen
Al tot den Romeynen in zijnen brief.
Elck wil hem nu tot den Vader keeren
En bidden door iesum ghebenedijt
Dat de liefde in ons mach vermeeren
So dat verdreuen worde haet en nijt.
|
|