Veelderhande liedekens, gemaect uut den Ouden ende Nieuwen Testamente (1582)

Veelderhande liedekens, gemaect uut den Ouden ende Nieuwen Testamente

(1582)–Anoniem Veelderhande liedekens– rechtenstatus

Auteursrechtvrij

Vorige Volgende


§ Na de wijse: Aenhoort O Israel. ALmachtich Godt Des Ga naar margenoot* sondaers doots doorstralen Begeert ghy niet, maer dat hy omme went En leue sonder ent Tghenadich lot Laet Heere op my dalen Want de sonden brengende in sdoots torment Sijn my altijts ontrent Ia Adams aert//heeft oyt beswaert My sondaer teere//vol van verseere Vleesschelijck doorstraelt//lach ic verdwaelt Verureemt heel van v leere Ick was bespiet Van Sathan, maer O Heere De sonden in mijnder ioncheyt gheschiet En wilt ghedencken niet. Sondich doorwont Was tbegin van mijn leuen Ia in Ga naar margenoot† sonden heeft my, na schrifts vermaen Mijn moedere ontfaen Dus onghesont Had ick oock wel ghebleuen En hadde, O eewich vaderlijck graen V goetheyt niet ghedaen Die my ghelaeft//heeft en begaeft Met v ghenade//beurijt vant tquade Want door mijn cracht//had ick geen macht Dan heel sondich van dade Ick was als wiet Dus roep ick vroech en spade De sonden in mijnder, &c. Ick meynde wel
[Folio 22r]
Een recht Christen te zijne Maer als ick my seluen sach openbaer In des Gheests spieghel claer Aertsch boos en fel Buyten v woorts doctrijne Heb ick my beuonden vol sonden swaer Ga naar margenoot* Vleesschelijck ghesint eenpaer Duyster ghesticht//so was mijn licht Mijn waerheyt oncrachtich//was logenachtich Mijn gherechticheyt//vol sonden planteyt Mijn leuen was de doot warachtich Vol van verdriet Was ick, maar Heere Almachtich De sonden in mijnder, &c. Met Paulo naeckt Mach ick oock wel ghewaghen Datter in mijn Ga naar margenoot† vleesch, gheheel gheschoffiert Niet goets en heeft ghelogiert Maer onuolmaeckt Was ick oyt al mijn daghen Leuende als een die niet van sonden viert Goddeloos ghemaniert Sonder ghetal//so was ick al Vol buylen, sweeren//quaet van affeeren Mijnen dienst die was afgoderie Schijn heylich int gheneeren Ick was als riet Maer Heere na mijn begheeren De sonden in mijnder, &c. Mijn gout was schuym Mijn weyte was caf beuonden Mijn ghebet was huyghelie int ghemeyn Voor out, ionck, groot en cleyn Mijn wech was ruym Volghende Ga naar margenoot‡ tkint der sonden Ia mijn waecken ende slapen certeyn Was altemale onreyn Mijn woort en werck//was int aenmerck Vol quaets geresen//vleesch, bloet gepresen
[Folio 22v]
Heb ick altoos//als sondaer boos Niet goets was in mijn wesen Heb ick nu yet Dat is wt Godt, by desen De sonden in mijnder ionckheyt, &c. Mijn cromme ganck Was de wech der sondaren Ick Ga naar margenoot† sat op den stoel der spotters quaet Volghende der Godtlooser raet Vry ende vranck Droech ick menighe Iaren De baniere van tongherechtighe zaet Vol sondighe misdaet Deerste ick was//int sot ghebras Als spelen, dichten//vry sonder swichten Gheen omme sien//had ick in dien Oft yemant mochte ontstichten Tgoede ick verliet Maer O Ga naar margenoot† Vader der lichten De sonden in mijnder, &c. Ick sondaer groot Tot een vreemt vleesch verboden Heb ick met luste, mijn herte ghekeert Daer in veriubileert Hout, steen, wijn, broot En openbare Afgoden Heb ick Godsdienstelijck gheadoreert En menich Iaer gheeert Alle mijn doen//in elck saysoen Was onmanierich//aertsch en eergierich Sonder Godts gheest//leefdick onbeureest Stout, wilt, tot wraken vierich Dat Schrift verbiet Dedick, maer Godt goedertierich De sonden in mijnder, &c. Mijn sonden wijt Houdick niet verborghen stille Maer belijdese voor v onuerflout Die herten en nieren aenschout
[Folio 23r]
Den voorleden tijt Na der Heydenen wille Heb ick ouerghebrocht, qualijck ghebout Op menschen werck betrout Cluchtich verhael//pronckende prael Was int ghemeene//mijn lust alleene V Name O Godt//was my een spot V woort als fabel, acht ick cleene Swerelts bediet Socht ick, maer Vader reene De sonden in mijnder, &c. Venus ghedient Heb ick vry sonder mincken Musijcke, Rethorijcke, onvruchtbaer Lichtuerdich volghende naer Een Bacchus vrient Was ick int droncken drincken Doende alle horribel sonden swaer Op Godts ghenade claer Ia gheen so wreet//sonde ick weet Waer in ick schadich//niet was misdadich Gheheel besmet//des Duyuels let Was ick in allen onghestadich Dus my begiet Met sGheests water ghenadich En de sonden in mijnder, &c. Godtlijck Princier Alle mijn ouertreden Biddick doch dat ghy geensins en ghedinckt Maer v ghenade schinckt Castijt my hier Na vaderlijcke zeden En met bermherticheyt my ommerinckt So ghy Dauid ontfinckt Blint ben ick och//verlicht my doch Want ongheloghen//hebt ghy tvermoghen Geen ander medecijn//mach my helpende zijn Om mijn sonden doen verdroghen Dus op my siet
[Folio 23v]
Met v ontfermighe ooghen En mijn sonden hoe dat sy zijn gheschiet En wilt ghedencken niet.	margenoot* Eze.18,23 ende 32. margenoot† Psa.51,7. margenoot* Rom.8,5 margenoot† rom.7,18. margenoot‡ 2.Tes.2,3. margenoot† Psalm.1,1 margenoot† Iaco.1,17

Vorige Volgende

Over dit hoofdstuk/artikel

lied

Naar de Nederlandse Liederenbank