Veelderhande liedekens, gemaect uut den Ouden ende Nieuwen Testamente

§ Na de wijse: Aupres de vous.

AEnhoort o Israel, mijn volck wtuercoren
Want ^‡ siet den dach der tribulatien die is nu hier
Bereyt v snel, den strijt coemt v te voren
En ^* vreest niet haer temtacien, sweert nochte vier
Want siet v Heer//O Sion teer
Sal v verstercken//op hem wilt mercken
Sijn eewich woort//is een confoort
In zijn oprechte clercken//O Godt thoont v aenschijn
O Heere wilt in ons wercken
Wie ^† tot int eynde volstandich blijft, sal salich zijn.

Nu moeten veel, ^‡ die rechtueerdighe lijden
Maer Godt de Heer seer crachtelijck, zijn volck bewaert
Hier int aertsche prieel, ^* salmen v seer benijden
So de schriftuer eendrachtelijc, ons openbaert
Des viants macht//^† door Christus cracht
Is ouerwonnen//de doot verslonnen
De Helle wreet//victory breet
Is ons van God gesonnen//^‡ vreest haer niet al ist v pijn
Al ^* wort ghy van haer ghebonnen
Wie ^† tot int eynde volstandich blijft, sal salich zijn.

Vreest niet ^‡ ghy cleyne schaer, tis ws Vaders welbehaghen
Te gheuen v na desen tijt, zijn eewich Rijck
Christus die seyt ons claer, ^* ghy sult hier weenen ende claghen
Om ^† mijnen Naem veriagen wijt, v alle gelijc

‡ 4.es.16,41

* mat.10,31

† mat.10,22

‡ psa.34,10

* mat.10,22

† 1.co.15,54

‡ mat.10,22

* Ioan.21,18

† mt.10,22

‡ luc.12,32

* Ioan.16,20

† 2.Ti.3,12.

[fol. 10v]

 

Want siet de ^* knecht//en is niet met recht

 

Bouen zijnen Heere//dit is Godts leere

 

Salomon vroet//ghetuycht seer soet

 

^† Vreest God, geeft hem de eere, blijft getrou op dit termijn

 

Strijt vromelijck O ghy teere

 

Wie ^‡ tot int eynde volstandich blijft, sal salich zijn.

 

 

 

Princesse siet, daer alle tempeesten op vallen

 

Ic wil v fondamenten schoon, vercieren

 

En ^* versaecht v niet, ^† v God is een Vader van allen

 

Laet v den raet van zijnen soon, bestieren

 

Om ^‡ ons misdaet//veracht versmaet

 

Gheheel ghebroken//tis ons voorsproken

 

Aent ^* cruyce bloot//ghesmaeckt den doot

 

Ghelijck een roose ontloken, neemt aen hem exempel fijn

 

De ^† boosheyt laet onghewroken

 

Wie ^‡ tot int eynde volstandich blijft sal salich zijn.

* Ioan.13,16 ende 15,20.

† eccle.12,11 apo.14,7.

‡ mat.10,22

* esa.44,8.

† eph.4,6

‡ esa.53,6.

* ioan.19,30.

† Ro.12,19

‡ mt.10,22