|
| |
Een sotte vraghe van Claes, ende een wijse antwoorde van Jan.
Seer ghenoeghlijc om te lesen.
God ghever v twee, wat verliest ghy dan
Jan ic soude u geerne vragen, woudy v niet storen,
Een sot soude meer vragen dan berechten soude seven
Doctoren
Jan van waer comt ghy heer,
| |
| |
Saegdy dan onse Vrou niet,
Neen ic en was soo hooghe niet,
Jan wie is tuwent de hooghste?,
De weerhaen als daer gheen voghel op en staet,
Jan wie is tuwent die wijste
Vrouwenbroeders ende Jacopijnen,
Ende die ghegort zijn met de lijnen,
Dat zijn de Minrebroeders, God weet
De Schippers die by den water varen
Visschers arm, ende rijck, dese draghen al ghelijck,
Die Kappen aenden hals verstaet het bediet,
Soo en ontwaytse haer den wint niet.
Jan ick moet v noch al meer vraghen,
En zijnder niet meer die deese kappen draghen?
Jaet Claes wilt mijn wel verstaen
Ziet hoe deese straet-jonckers met spaensche kappen gaen,
Gheboort met Zyde of Fluweel
Daerse mede ghaen ten avont speel,
Sullen sy dan van huys of te marct varen,
| |
| |
Met een schip oft op een waghen, hoort, tverclaren
Soo trecken zy haer kappen ouer haer cop
Dan sitten daer onder al warense sot,
Maer tis weder groote wijsheyt, verstaet het bediet
Soo en regentet in haren halse niet.
Jan dese wijsheyt kan ick wel versinnen,
Segt my, wie sijn dese sotten ende sottinnen
Claes daer sal ick v wonder of schrijuen,
Ziet wat dese sotten bedrijven,
Zy laten haer bocxsen aen kleyne riemen snijden,
Ende laten bederuen soo costelijcken laken,
Daer zy soo grooten geldt af geuen van maken,
Zy en connen de gec oock niet binnen houwen,
Zy dragen dan quispels aen haer halsen en mouwen
En latense ouer haer schouderen blincken,
Hing daer een belleken aen het soude wel clincken,
En dese meyskens en machmen niet vergheeten,
| |
| |
Zy draghen keurssen met langhe slepen
Een klierken om haer hals proper en net,
Ende haer doecxken int vierkant geset,
Zy en vraghen nae vrinden noch na maghen,
Zy doent om haer vrijer te behaghen,
Zy en kunnen ooc de gec niet binnen houwen,
Want sy draghen wel Fluweele mouwen,
Ende oock goet laken van Damast,
Maer t'hemde is wel met seven knoopen vast,
Noch draghense om haer vryers te behaghen,
Halsdoecxkens met goude kraghen,
Met een borst lapken seer ient bereydt,
Ende haer hayrken op 't spaensch gheleydt,
Met twee pantoffelen met langhe tuyten,
Om dat zy wat zouden uyt muyten,
Voorwaer Claes alhier gheseyt,
Het dunckt my te zijn groote sotheyt
Ick en ben niet, ick heb een getrout wijf,
t'Is niet goet, tis een out leelijck wijf,
t'Is niet, zy heeft goet lant datmen zaeyen mach,
| |
| |
t'Is niet, ic zaeyde Weyte-cooren, ende daer wies Russe cooren
t'Is niet, ic mestender goede vette verkens by,
t'Was niet, tspec hing inden rooc, het viel
int vier het huys brande daer af,
t'Is niet, ic timmerde weder een goet nieu huys,
t'Is niet, mijn wijf ging daer op, zy brack den hals
t'Is niet, ic troude weder een goelic iong wijf,
t'Is niet, de hoer sliep by die Paep,
sliep die hoer by die Paep, dat was quaet Jan,
Want so wast al quaet, sac en saet
Ende al datter by staet, bericht met haren maet,
|
|
Auteursrechtelijk beschermd