Typus Mundi
(1627)–Anoniem Typus mundi–
Auteursrechtvrij
[pagina 132]
| |
 | |
[pagina 133]
| |
OMnia Dius Amor tentauit, & omnia, nisus
Hinc sibi spe Mundum subdere, & inde metu:
Effronti rigidus sed perstat fronte, nec vllis
Dat verbis victas, verberibusq́ue, manus.
Vltimus en aries Crux, claui, spina, columna,
Funis, arundo, flagrum, lancea, sanguis, Amor.
Iam scio, iam ponet, bellorum semina, noxas
Mundus Coeligenae factus Amoris amor:
Si quid inaequali gibbosum extuberat Orbe,
Protinus abraso tubere ponet onus:
Rex scelerum Tumor ipse cadet, cadet ebrius Euan,
Et consanguineo cum grege moecha Venus.
Nempe coronato tibi vertice fulguret aurum,
Diuinum terebrent spinea serta caput?
Det sceptrum tibi gemma, Deo det inanis arundo
Saxum illi, tibi sit sella curulis ebur?
Ille suo rubeat, tu sanguine Muricis? illum
Dedecoret vestis candida, te decoret?
| |
[pagina 134]
| |
Aurea te cingat torques, hunc ferrea? Christum
Vincula, te spirâ dite coronet onyx?
Diues opum Pariâ viuas trabeatus in aulâ,
Et patrio dicas Regia iura foro,
Ille domûs exsors, Regnisq́ue extorris auitis,
Ille animam gelido sub Ioue nudus agat?
Dulce saporato te nectare proluat aurum,
Diaq́ue myrrhatus asperet ora liquor?
Barbaries dios vellat recutita capillos,
Et struat in cirros ars tibi lena comam?
Sputa Deo eripiant, tibi det cerussa colorem?
Te speculi obtenebrent fulgura, vela Deum?
Plaudat amoena tibi manus, & pes Orgia, Christo
Clauus vtrimq́ue manum figat, vtrimq́ue pedem?
Somnus Amyclaeo stertat tuus ansere, Christus
Pendeat in durâ pervigiletq́ue trabe?
Vt reseret cuspis Diuinum ferrea pectus,
Et tibi stet rigido vinctum adamante iecur?
Nonita: sanguis adest, qui fracto adamāte triumphet,
Quoq́ue Amor exaequat omnia, tornus adest.
| |
[pagina 135]
| |
XXXI.
Raclez Amour Diuin toutes ces finfreluches
Ces carcants, ces miroirs, ces sceptres, ces embusches,
Ces pieges des mortels, afin que le faux monde
Ne vienne à entraisner aux enfers tant de mōde
| |
XXXI.
Wie soud'oft sin / oft hert
In ydelheydt verblijden /
Aensiende Christi smert /
Aensiende Christi lijden?
Neen / neen: al 's werelts pracht
Wordt in dit bloedt versmacht /
Dat in haer is verwaeyt /
Wordt hier al af-ghedraeyt.
|
|