Typus Mundi

[p. 84]

[p. 85]

XIX. Non bene conueniunt.

NOn bene conueniunt, nec corde mor antur in vno

Coelicus ille puer, terreus ille puer.

Non ea Thebanis micuit discordia flammis,

Non ea Tantaleis fratribus ira fuit.

Tam gerit hostiles Amor hic, Amor ille pharetras,

Pusio tam varias spargit vterque faces.

Hic stygiâ, hic superâ cor figit arundine, castis

Hic animat flammis, turpibus ille necat.

Luxq́ue minùs tenebras, lucemq́ue odêre tenebrae;

Eripit hic noctem mentibus, ille diem.

Vt perit in mediâ lactis loligine gutta,

Vt crystallineas sepia fuscat aquas,

Castus Acidalijs violatur ab ignibus ardor,

Horret Acidalios nec minùs iste rogos.

Sic mouet Errori longam Sapientia litem,

Ipsaq́ue cum Bello Pax fera bella gerit.

Dissidet aeterno Virtus, Vitiumq́ue duello,

Non habitant vnos, Vitaq́ue Morsq́ue lares;

[p. 86]

 

Hoc duce non erras, Cyprius te decipit erro,

 

Dius Amor pacem, Cyprius arma colit.

 

Hûic Virtus, illi sunt noxia crimina cordi;

 

Hic reserat vitae, mortis at ille fores.

 

Deniq́ue sic ipsosodium non odit Amores,

 

Vt Veneris prolem Coelicus odit Amor.

 

Vnicus Orbe vno sit Sol, Amor vnicus; vno

 

Vnicus in regno Rex sit, & vnus Amor.

 

Ipse vides sculpto radios quem spargere coelo

 

Sol priùs aethereâ fundet ab arce iubar,

 

Stella priùs falsis caelata lauabitur vndis,

 

Terraq́ue sidereis iuncta vehetur equis,

 

Ipse vel inuiso succedet Olympus Auerno,

 

Omniaq́ue in priscum sunt reditura chaos;

 

Quàm bene conueniant puer alter, & alter: Amores

 

Scis quando placido foedere iunget amor?

 

Vix puncto haerentes vno, cum videris ambos,

 

Omnibus in punctis se tetigisse globos.

[p. 87]

Ces deux Amours se sōt en tout du tout cōtraires,
Ilz n'ontrien de commun, ilz viuent en diuorce:
Ioignez de poinct en poinct ces boules en consorce,
Encor n'apoincteras tu rien de leurs affaires.

Ghy saeght dees' bollen eer
Van punct tot punct een-paer;
Dan desen knecht / en Heer
Ghelijck van sinnen waer.