Typus Mundi
(1627)–Anoniem Typus mundi–
Auteursrechtvrij
[pagina 72]
| |
 | |
[pagina 73]
| |
VItro iudice quid puelle rursus
Metiris pumilum, stupesq́ue corpus?
Pygmaeis licet artubus, nec vno
Sis maior cubito, genus Molonum,
Illorum bipedalium Molonum,
Appendix hominis, gruumq́ue praeda
Coeli trans medias vehenda nubes;
Hoc Censore tibi videris Atlas,
Vel vicarius Hercules Atlantis,
Maior Encelado, Mimante maior.
Verte lumina, falleris Cupido:
In Mundo mera vanitas, nec vllo
Tot mendacia prodiêre vitro.
Fraus ipsa in speculo moratur isto,
Fraus quâ caeruleo sub amne visi
Crescunt Naïadum sub amne vultus,
Quâ post nubila, nubiumq́ue partus
Pallescens soror, atque mima fratris
| |
[pagina 74]
| |
Maiori radiat Diana fronte.
Censor pessimus arbiterq́ue Mundus.
Pellaeus domitor soli, saliq́ue
Semen credidit esse se Tonantis;
Hausto tabuit ast vbi veneno,
Genus credidit esse se Philippi.
Mundus decipit arbiter superbos.
Ille Palmiferae Tyrannus orae,
Procrustes, Scinis, impius Tyrannus,
Herodes amor omnium improborum,
Herodes odium omnium proborum,
Clarus murice, clarior Pyropis,
Astris aemulus, aemulusq́ue Soli
Suadae flexamino tonabat ore;
Et iam tota dabant Theatra plausum;
Nec credi Deus abnuit Tyrannus,
Deus credidit esse vel Tyrannus.
Heu! nulli licet esse diu superbo;
Irae Coelitis aduolat Minister
Spargens artubus omnibus venenum,
Et dum vermibus esse iussit escam,
Herodem speculum esse iussit Orbi,
| |
[pagina 75]
| |
Mendax quem speculum fefellit Orbis.
| |
XVI.
Ce petit Myrmidon en taille, & en posture
Paroist en ce crystal vn releué geant:
Voy-là Monde tes arts, voy-là ton imposture;
Couurir du cache-nez des grandeurs ton neant.
| |
XVI.
Als ons des Werelts schijn
Maeckt grooter dan wy zijn;
Weet dat de werelt lieght /
Ghelijck dit glas bedrieght.
|
|