Typus Mundi

[p. 36]

[p. 37]

VII. Latet hostis; & otia ducis?

PAlladis auspiciis stetit ingens gloria Troiae,

Diues opum, factis inclyta, Marte potens;

Dum labor, & solers defendit moenia Virtus,

Curaq́ue peruigiles constitit ante fores.

Ast vbi fugerunt cum Pallade Palladis artes,

Arma vbi cum longo seposuere metu:

Incustoditos mox scandit machina muros

Foeta viris, Graiae lugubre fraudis opus.

Quos non mille rates, nec vis, nec tela, nec enses,

Non Mars, non anniperdomuere decem;

Otia damnarunt somno, vinoq́ue sepultos;

Vnica tot Regum nox populauit opes.

Euigilate Phryges, latet intra moenia pestis:

Hostis habet muros; euigilate Phryges.

Dormiuêre: sopor ligat aegros vltimus artus,

Victaq́ue claudit iners lumina credulitas.

Diffugiet somnus, piceo cum fumeus ore

Inuisum faciet Mulciber ire diem:

[p. 38]

 

Barbaricum victrix cum cinget flamma cubile,

 

Et Priamum pictis exciet è thalamis.

 

Serò Phryges sapient: sic constant otia magno.

 

Otia, qui falso niteris Orbe, fuge.

 

Otia quae blando caenit Orbis murmure, fallunt:

 

Maior in Orbe dolus, quàm Phryge clausus eq

 

Non Ithacus, fallaxúe Sinon hac delitet aluo.

 

Mille latent pestes, funera mille latent.

 

In Cyprios fera mille parat tormenta nepotes,

 

Mille parat vindex Thesiphonea faces.

 

Non tam pestiferos accendit Vesuius ignes,

 

Nec tam funereis aestuat AEthna rogis:

 

Ah! aestus Venerem non exsudabis ad istos?

 

O puer in poenas desidiose tuas!

 

Bis malesane puer, vitâ cum ludis, & igni!

 

Funera quae rabies Empedoclaea sequi?

 

Nitrea sulphurei subter te pulueris olla,

 

Ingens olla, leui mox animamda face;

 

Proripe te, fundo mox Terra dehiscet ab imo,

 

Styx tibi mox vastos pandet opaca sinus.

 

Ignes igne doma: Mundum fuge, Cyprida vita:

 

Materies stygijs non magis apta facis.

[p. 39]

Hola! esueille toy; que Morpheus le pipeur
Glissé dedans vos yeux ne te plonge en malheur.
Voyez que de bien pres talonoit la ruine,
Le feu s'estant des-ja faict maistre de la mine.

Blijft dit vyer onghebluscht /
Vreest ghy de minste pijne;
Hoe slaept ghy dan gherust
Op dese helsche mijne?