De Tsjerne. Jaargang 23

[p. 234]

Daniël Daen / It komt net hurd oan
(of krekt wol fansels)

tinkend oer it libben
fan tsjustere machten
of in god yn 'e hegerein
seit men
hy is in natuerlik neutrum
in fluïdum divinum
of inkeld âld mei in burd

hjir leit nou ús wrâld
to rikjen fan napalm
to stjonken fan liken
to triljen fan ierdskokken
to flokken fan skriuwersprosessen
- heil jonges fan moskou -

foar leauwe
moat men wol fan goede wil en komôf wêze
my tinkt
yn dit forbân lit fluïdum him noch it bêste lêze