De Tsjerne. Jaargang 23

[p. 41]

[Nummer 2]

Jan Dotinga / Fersen

Sokssahwat as nocturnes

hwat lêste gedachten fandelje
foar de nacht
miskien bou ik der in frou fan
of sil ik de letters telle
om yn sliep to fallen

wurden dy't op 'e stilte útrinne
en fan neat mear witte
de dei sjocht himsels nochris nei
skodhollet
moarn is der wer in nacht

de nacht is in gat yn it ljocht
sliepe sûnder boaijem
leauwe sûnder euvelmoed

stil wêze
sil ik de dreamen stjûre

[p. 42]

Bigraffenis

nei funérailles fan fransz liszt

de linkerhân
draecht de deade
swarte noaten gûle
in wite raef in hege toan

meditaesje
it lûd wurdt mankelyk
eare en deugd rinne by de ljedder op

de kiste sakket
rekket it hiele tûtseboard
súntsjes draeit de liere

huodden ôf