De Tsjerne. Jaargang 22

[p. 463]

Steven van der Meulen / Friezen

Ik haw Wobbelke sjoen
Wobbelke haw ik sjoen
op it Reade Klif
hja hie in minirokje oan.

In bitinker fan de slach by
jo witte wol - 1345 - hy wie
de slach yn elts gefal noch net to boppen
stie njonken my en sei:
Ah ju, dat is in anachronisme.

Mar ik haw Wobbelke sjoen

Mei widzjende heupen

gyng se by my lâns

Ik wie forbjustere en

seach har lange tiid nei

en moast ynienen tinke

hwat myn âlde skoalmaster

lang forlyn sei:

Hâld jim eagen iepen en sjoch om jim hinne
hwant de Wrâld is Oh Sa Moai.