De Tsjerne. Jaargang 22

[p. 389]

Berber van der Geest^*)/gedichten

En hy gappet nei de siken

Hingjend tusken
wurch en deawurch
en forwrotten
jowt er bilies

in frou in bern in freon
weiwurden
yn pakpapier
fan bakstien en beton
gjin rút foar konversaesje
gjin spikergat
om luchtforoaring
ticht
muorreticht

syn hannen
oerdutsen fan
groedige koarsten
trilje
in jierrenlang forset
oan't in orkaen
syn hoazzen sakje liet
en stiennen
stiennen liet

allinne by
to'n ein
ré om to fallen
by't minste siichje wyn.

*) Swem mei in frijheitsslach de oséanen oer.

[p. 390]

Dei frede

forswolgen
frede lok
de grounleaze djipten
gounzelje fan dävens
flakten egael sljocht
kôkje einleas yn't nearhertige
't is dûkelich
en de skimer hâldt jimmer oan

wé drinkeldeade
deade fan in ûndergong
sûnder formoedsoening.

Logging

hûndert en noch hûndert
okergiel en readforrustke
reuzen út 'e greate bosk
driuwe rimpen en balstjurrich
yn 'e ingten fan de sé
tsierend tjirgjend en bekfjochtsjend
rôljend beukjend oeral by
oant in boomman harren trêddet
fan syn heech bifit're skuon
springt en springt
en nearne wifket
nearne fait.