De Tsjerne. Jaargang 22

[p. 264]

Meindert Bylsma / Fersen

De bus fan fiif oer healwei sawnen

ús heit is op 't fabryk

yn 'e bus fan fiif
oer healwei sawnen
sparret heit postsegels
dat kin er net witte

de oare heiten sitte
ek yn skearapparaten
en yn 'e bus fan fiif
oer healwei sawnen
fol akwariums
fol slaedplanten
yn 't middenpaed
fol folièrefûgels
dy't by de glêzen oppiipje

noch ien halte
út israël
in goudfisk hellet it net
en ek in kanarry moat
bilies jaen

ynienen set it fabryk
de hoed op
alle jassen meije
noch gau gau
in sjekje draeije

de lêste peuken
fan sawnen rikje
oanein op 'e dyk
de korvéjers moatte
ek wurk ha

joun komt ús heit wer thús

[p. 265]

Myn buorman

foar myn buorman is
it libben in kreas húske
mei in konfeksjepakje
in frou en 3 bern

2 wie oars ek wol genôch
mar dy iene is foar 't brekken
mei beide fuotten op 'e groun

myn buorman is de hiele wike
in fyts mei moarns
it ljocht oan
en jouns téfé
de goedkeape stroom
straelt fan him ôf

yn 't wykein is myn buorman
nei de tsjerke
en tsjin fiven in slach om
mei de frou fol bernewein

tiisdei forskynt myn buorman
stéfêst op it sjoernael
fan in ûre of 10
it sjongkoar komt út

halélúja soms woe 'k wol
dat ik myn buorman wie