De Tsjerne. Jaargang 22

[p. 261]

[Nummer 7/8]

Leo Popma / Fersen

Agion oros (athos)

Under it byntwurk
fan har kreakjend binnenplein
fuorje hilligen it lytsfé fan de ivichheit
de oerjierske rammen en har list
fan traechheit yn 'e dage kurven

en dy't der lânnen ré
ta it brânmerk fan de geswoarenen
de neaken baeijers
talmjend yn de stolp fan de simmertiid
de fjûrstien yn har tredde hân en
op 'en iepenst foar de kwartelslach

hoe soene lykwols de steksjoggigen
har de oerdeis
bylâns it ezelpaed nei sé bijaen
op hope yn it nutehout opnij
de manlike founling oan to treffen - ?

sêft brekt it nachtkoar út 'e holten fan de dea
wjerpine oan it woedend dier myn freon
syn ropnamme op myn hazzelippen

[p. 262]

Wanbihear

Lânskippen ûnder plústerrein -
hellingen lûdroftich
flakten evenredich -
út elk folk de ienling dy't him wart
en ûnneigeanber it foarhannen ark,

dat is hwat bleau
nei't ienris de brette fûgels
har trek forlein blieken to hawwen

de dagen tille langer fan it harguod
fonkjend yn 'e skuorren
forrint de kâns fan it seizoen,
hoelang al sykje de spegelfjochters
in proai yn har ûntrêdden goa - ?

forwoast lade de dichters it ségryn yn har balgen
kroanjend yn 'e kielklam en it harsenssnoer,
of elk oar ek
op it skerp fan it biwende wapen
hokjend as de froulju yn har lotsforboun,
eangjend de formoedens fan de pestingel
en syn gerjocht oer it wanbihear