De Tsjerne. Jaargang 17

[p. 313]

Tsjits Peanstra:

Fornachting

Tonacht sil ik op dy wachtsje
yn de keamer
fol geheimen.
Wy slute de blinen
en dimje de ljochten
ús skaden boartsje
in wajang-spul op it lewant.

Tonacht sille wy fornachtsje
yn de keamer
fol geheimen.
Wy slute de doarren
en dimje de lûden
ús wurden boartsje
in ping-pong-spul mei de stilte.

Tonacht sille wy fornachtsje
yn de keamer
fol biloften.
Dan
stiet de tiid stil.

Joun

Under de beammen
falt de joun as in leaden skaed
yn it wetter spatte
stjerren útelkoar;
autoljochten meane
in rotonde
fan haest
de stêd
lûkt in mantel oan fan
néonreklames
en yn de portiken
rûkt it nei romantyk.
De wyn nimt muzyk mei
út in fier lân.