De Tsjerne. Jaargang 17

[p. 289]

[Nummer 9]

Gerben Brouwer:
Stjerrende

Wuolje my yn in tekken
fan stilte. Lit it lûd
foarby gean as in winter -
Earms lizze as parallellen;
swiersettich de hannen
yn rêst.

En as ik sliep,
gean hoeden hinne;
myn teisters trilje
fan heimnis en hoop.

Boarstende sinnen,
dounsjend yn fjûr
fan 'e nacht.

Tinne tonger
fan wyn dindert
oer 'e glêzen.

Wuolje my yn in tekken
fan stilte. Lit it lûd
foarby gean as in winter -

In damp
op it lekken,
in foetus;
in berte
yn 't wetter
fan d' oersé -
ik.