De Tsjerne. Jaargang 12

[p. 193]

[Nummer 7/8]

D.A. Tamminga:
Stanza foar de lichte muze

Kom, tsiende bern fan Zeus, dou faek forspeine,
fyn licht fan foet ienkear nei ús dyn paed.
Lit ek de skuriste roas it wetter heine
dat siperet út lang forstoppe saed.
Lit it meänderje oer skar en waed
dy't ál to kreas en kant forkaevle leine....
Kom, bern fan Zeus, en brek foar ienkear sêft
de wetten fan ús fryske swiertekrêft.